ఈ ఫోటోలో ఉన్న క్యూటీ పేరు నుపుర్‌ సనన్‌. '1- నేనొక్కడినే' చిత్రంలో మహేష్‌తో నటించిన బ్యూటీ కృతీసనన్‌ చెల్లెలే ఈ ముద్దుగుమ్మ. త్వరలోనే సినిమాల్లోకి ఎంట్రీ ఇచ్చేందుకు రెడీగా ఉందట. సౌత్‌ అయినా, నార్త్‌ అయినా ఓకే అంటోంది. మంచి అవకాశాల కోసం ఎదురు చూస్తోందట. కృతి సనన్‌ తెలుగులో '1 - నేనొక్కడినే' తర్వాత నాగ చైతన్యతో 'దోచేయ్‌' చిత్రంలో నటించింది. తర్వాత బాలీవుడ్‌కి చెక్కేసింది. అక్కడ కూడా పెద్ద బిజీగా ఏమీ లేదు కానీ, ఒకటీ అరా చిత్రాల్లో నటించింది. తాజాగా తన చెల్లెలి ఎంట్రీ కోసం రంగం సిద్ధం చేస్తోందట. ఆ ఛాన్స్‌ తెలుగులోనైనా, హిందీలోనైనా ఓకే అంటోంది. ప్రస్తుతానికి సోషల్‌ మీడియా ద్వారా ఆడియన్స్‌కి పరిచయమవుతోందీ బ్యూటీ నుపుర్‌ సనన్‌. అక్కలాగే సెక్సప్పీల్‌లో టాప్‌ అనిపించేలా ఉంది. ఇక టాలెంట్‌ విషయం తెలియాలంటే ఛాన్స్‌ వస్తేనే కదా తెలిసేది. చూడాలి మరి, ఈ బ్యూటీ ఎక్కడ తొలి ఛాన్స్‌ దక్కించుకుంటుందో!