‘పిట్టకథ’ను ఇంట్లోంచే చూసేయ్యొచ్చిక.!

By Inkmantra - March 17, 2020 - 18:30 PM IST

మరిన్ని వార్తలు

ఇటీవలే ధియేటర్స్‌కొచ్చిన ‘పిట్టకథ’కు కరోనా ఎఫెక్ట్‌ బాగా తగిలేసింది. సినిమాకి ఓ మోస్తరు పోజిటివ్‌ టాక్‌ వచ్చింది. కానీ ఏం చేస్తాం.? కరోనా ఎఫెక్ట్‌తో ధియేటర్స్‌ మూసేయడం వల్ల ఈ సినిమాకి ఆశించిన రీతిలో కలెక్షన్లు రాబట్టలేకపోయారు. అయినా, మంచి సినిమాకి ప్రేక్షకుల ఆదరణ ఉండాలి కదా. అందుకే ‘పిట్టకథ’ను అమెజాన్‌ ప్రైమ్‌లో వీక్షించేందుకు అవకాశం కల్పించారు. ఇక నుండి ‘పిట్టకథ’ను ఎంచక్కా ఇంట్లోంచే చూసేయ్యొచ్చన్న మాట. చందు ముద్దు దర్శకత్వం వహించిన ఈ సినిమాతో సీనియర్‌ నటుడు బ్రహ్మాజీ తనయుడు సంజయ్‌ హీరోగా డెబ్యూ చేశాడు.

 

‘దేవుళ్లు’ పిల్ల నిత్యా శెట్టి ఈ సినిమాలో హీరోయిన్‌గా నటించింది. అన్నీ బాగుంటే, సినిమాకి మంచి కలెక్షన్లు రాబట్టేదే. కానీ, కరోనా రూపంలో కాలసర్పం ఈ సినిమాని కాటేసింది. దాంతో చేసేది లేక, ఈ సినిమాని మిస్‌ అయ్యామని ఫీలవుతున్న ఆడియన్స్‌కి అమెజాన్‌ ప్రైమ్‌ ద్వారా ఈ అవకాశం కల్పించారు సినీ నిర్మాతలు. చూడాలి మరి, ప్రైమ్‌ ద్వారా ‘పిట్టకథ’ ఎంత క్యాష్‌ చేస్తుందో.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS