'ఓ బేబీ' సినిమాతో ఈ శుక్రవారం ప్రేక్షకుల ముందుకు రానున్న సమంత ఈ రోజు తిరుమల శ్రీవారిని దర్శించుకున్నారు. ఉదయం జరిగిన శ్రీవారి సేవలో సమంత పాల్గొన్నారు. 'ఓ బేబీ' డైరెక్టర్‌ నందినీ రెడ్డి తదితరులు సమంతతో పాటు శ్రీవారి సేవలో పాల్గొన్నారు. దర్శనం అనంతరం గుడి ముందుకు వచ్చిన సమంతను చూసేందుకు భక్తులు పోటీ పడ్డారు. సమంత నటిస్తున్న 'ఓ బేబీ' ఓ ప్రయోగాత్మక చిత్రం.
70 ఏళ్ల బామ్మ ఫోటో స్టూడియోకి వెళ్లి టీనేజ్‌ గాళ్‌గా ఎలా మారిపోయిందనే డిఫరెంట్‌ కాన్సెప్ట్‌తో ఈ సినిమాని రూపొందించారు డైరెక్టర్‌ నందినీ రెడ్డి. ఇంతవరకూ విడుదలైన ప్రచార చిత్రాలు బాగా ఆకట్టుకుంటున్నాయి. సినిమాపై అంచనాలు పెంచేస్తున్నాయి. ఫన్‌ అండ్‌ ఎంటర్‌టైనర్‌ మూవీగా, అన్ని వర్గాల వారినీ ఆకట్టుకునే సినిమాగా ఈ సినిమా రూపొందింది.
ఈ మధ్య కాలంలో ముఖ్యంగా ఫ్యామిలీ ఆడియన్స్‌ని ఎట్రాక్ట్‌ చేసే సినిమాలే లేకపోయాయి. ఈ తరుణంలో 'ఓ బేబీ' సినిమా చూసేందుకు చాలా మంది ఆసక్తిగా ఎదురు చూస్తున్నారు. సమంత పర్‌ఫామెన్స్‌ ఈ సినిమాకి మెయిన్‌ అట్రాక్షన్‌ కానుంది. మిక్కీ జె. మేయర్‌ మ్యూజిక్‌ ఆహ్లాదంగా మనసును హత్తుకునేలా ఉండడంతో, సినిమాకి అన్ని వైపులా పోజిటివ్‌ వైబ్స్‌ క్రియేట్‌ అవుతున్నాయి. నాగశౌర్య హీరోగా నటిస్తుండగా, రావు రమేష్‌, రాజేంద్రప్రసాద్‌, తేజ కీలక పాత్రలు పోషిస్తున్నారు ఈ సినిమాలో.
