పవర్ స్టార్ పవన్ కళ్యాణ్ అజ్ఞాతవాసి చిత్రం షూటింగ్ చివరిదశకు చేరుకోవడం, ప్రధాన తారాగణం చేత డబ్బింగ్ చెప్పించడం కూడా పూర్తయిపోతున్న వేళ ఈ చిత్రం తాలుకా ఆడియో విడుదల తేదీ సమాచారం బయటకి వచ్చింది.
అది ఎప్పుడంటే, వచ్చే నెల 18వ తేదీన హైదరాబాద్ లో అజ్ఞాతవాసి చిత్రం ఆడియో విడుదల తేదీ కార్యక్రమం జరపనున్నారట. తమిళ సంగీత దర్శకుడు అనిరుద్ రవిచందర్ ని ఈ వేడుక ద్వారానే తెలుగు తెరకి పరిచయం చేయనున్నట్టు తెలుస్తున్నది.
ఇప్పటికే విడుదలైన ఒక పాటకి విపరీతమైన క్రేజ్ రావడం కూడా జరిగింది. ఇక ఆల్బం కూడా ఇదే స్థాయిలో ఉండబోతుంది అన్న టాక్ కూడా వినిపిస్తుంది. ప్రస్తుతం పవన్ కళ్యాణ్ ఈ చిత్రం ఆఖరి షెడ్యూల్ షూటింగ్ కోసం వారణాసిలో ఉన్నాడు.
