న‌టుడు బండ్ల గ‌ణేష్ కాస్త.. బ్లాక్ బ్ల‌స్ట‌ర్ ప్రొడ్యూస‌ర్ గా మారిపోయాడు... `గ‌బ్బ‌ర్ సింగ్` సినిమాతో. అంత‌కు ముందే ప‌వ‌న్ తో `తీన్ మార్` తీశాడు బండ్ల. వ‌రుస‌గా రెండు సినిమాలు, అదీ ప‌వ‌న్‌తో అయ్యేస‌రికి.. ప‌వ‌న్‌కి అత్యంత సన్నిహితుడుగా మారిపోయాడు. అప్ప‌టి నుంచీ ప‌వ‌న్ పేరెత్తితే.. బండ్ల గ‌ణేష్‌లో పూన‌కాలు మొద‌లైపోతాయి. ఇప్పుడు ప‌వ‌న్ తో మ‌రో సినిమా చేసే ఛాన్స్ కొట్టేసిన‌ట్టు తెలుస్తోంది. ఈరోజు ప‌వ‌న్ తో ఉన్న ఓ ఫొటోని బండ్ల గ‌ణేష్ ట్వీట్ చేశాడు.
`బాస్ ఓకే అనేశాడు. నా క‌ల మ‌రోసారి నిజం అవుతోంది` అంటూ ఓ కామెండ్ పెట్టాడు. దాంతో.. ప‌వ‌న్ క‌థానాయ‌కుడిగా, బండ్ల గ‌ణేష్ నిర్మాత‌గా ఓ సినిమా రాబోతోంద‌న్న సంకేతాలు అందేశాయి. బండ్ల కూడా ఈమ‌ధ్య సినిమాల‌కు దూరంగా ఉంటున్నాడు. ఓ భారీ సినిమాతో ప్రొడ‌క్ష‌న్ లో రీ ఎంట్రీ ఇవ్వాల‌ని భావిస్తున్నాడు. ప‌వ‌న్ తో సినిమా ఓకే అయితే బండ్ల‌కు అంత‌కంటే ఆనందం ఏముంటుంది? మ‌రి ఈ సినిమా ఎప్పుడో? ఎవ‌రితోనో అన్న‌ది మాత్రం తేల‌లేదు. ప‌వ‌న్ చేతిలో చాలా సినిమాలున్నాయిప్పుడు. వాటి మ‌ధ్య బండ్ల గ‌ణేష్ కి ఛాన్సెప్పుడు వ‌స్తుందో చూడాలి.
My boss said okay and once again my dreams come true .
— BANDLA GANESH. (@ganeshbandla) September 28, 2020
Thank you my god @PawanKalyan 🙏. pic.twitter.com/x0s1nQy3Fy
