'బైటకొచ్చి చూస్తే.. టైమేమో' సాంగ్‌ జస్ట్‌ పరిచయం చేసి వదిలి పెట్టారు మొన్న పవన్‌ బర్త్‌డేకి. పవన్‌ కళ్యాన్‌ - త్రివిక్రమ్‌ కాంబినేషన్‌లో తెరకెక్కుతోన్న తాజా చిత్రంలోనిదీ సాంగ్‌. ఇప్పుడు ఈ సాంగ్‌ ఫుల్‌ ఆడియోని విడుదల చేశారు. ఈ రోజు మాటల మాంత్రికుడు త్రివిక్రమ్‌ పుట్టినరోజు. ఈ సందర్భంగా ఈ ఆడియో సింగిల్‌ని రిలీజ్‌ చేసింది చిత్ర యూనిట్‌. తమిళ యంగ్‌ మ్యూజిక్‌ డైరెక్టర్‌ అనిరుధ్‌ ఈ సినిమాకి సంగీతం అందిస్తున్నాడు. జస్ట్‌ బిట్‌ని రిలీజ్‌ చేస్తేనే వ్యూస్‌ రికార్డులందుకున్నాయి. ఇక ఫుల్‌ సాంగ్‌ ఊపు ఊపేస్తోంది. స్పెషల్లీ పవన్‌ కళ్యాణ్‌ సినిమాల్లోని మ్యూజిక్‌కి ఇంపార్టెన్స్‌ ఉంటుంది. అందులోనూ త్రివిక్రమ్‌ - పవన్‌ కాంబినేషన్‌ అంటే ఆ అంచనాలే వేరు. ఈ ఇద్దరి కాంబినేషన్‌లో వచ్చిన 'జల్సా', అత్తారింటికి దారేది' సినిమాల్లోని మ్యూజిక్‌ వినడానికి ఎంతో హాయిగా ఉంటుంది. బీట్‌కి బీట్‌, మనసుకి దగ్గరయ్యే మ్యూజిక్‌.. అయితే ఈ సారి ఇంకొంచెం కొత్తగా ఉండబోతోందని ఈ సాంగ్‌ వింటేనే అర్ధమవుతోంది. ఇది ఇంకా ఫస్ట్‌ సాంగే. రాబోయే సాంగ్స్‌ ఒక్కొక్కటీ ఒక్కో ప్రభంజనం కానుందనీ సమాచారమ్‌. ఈ సినిమాలో ఇద్దరు ముద్దుగుమ్మలు పవన్‌ కళ్యాణ్‌తో ఆన్‌ స్క్రీన్‌ రొమాన్స్‌ చేసే ఆఫర్‌ కొట్టేశారు. ఇద్దరూ న్యూ ఎంట్రీ భామలే కావడం విశేషం. ఒకరు ఫర్‌ఫామెన్స్‌లో దిట్ట అయిన కీర్తి సురేష్‌ కాగా, మరొకరు ఎక్స్‌పోజింగ్‌లో దిట్ట అనూ ఇమ్మాన్యుయేల్‌. ఈ ఇద్దరు ముద్దగుమ్మల మధ్య ముద్దుల పవర్‌ స్టార్‌ని చూసి ఫ్యాన్స్‌ ఆనందంతో ఉబ్బి తబ్బిబ్బవుతున్నారు. 'కాటమరాయుడు' ఫెయిల్యూర్‌ తర్వాత వస్తోన్న సినిమా ఇది. సో సినిమాపై అంచనాలు ఓ స్థాయిలో ఉన్నాయి. ప్రస్తుతం యూరప్‌లో షూటింగ్‌ జరుపుకుంటోన్న ఈ సినిమాని సంక్రాంతికి ప్రేక్షకుల ముందుకు తీసుకు రానున్నారు.