పవన్‌ - త్రివిక్రమ్‌ కాంబినేషన్‌లో తెరకెక్కుతోన్న సినిమా షూటింగ్‌ యూరప్‌లో జరుగుతోన్న సంగతి తెలిసిందే. భారీ షెడ్యూల్‌ షూటింగ్‌ ఇది. ఇప్పటికే చిత్ర యూనిట్‌లో పవన్‌ - త్రివిక్రమ్‌ అండ్‌ టీమ్‌ కొంతమంది ఈ షూటింగ్‌లో జాయిన్‌ అయ్యారు. ఈ మధ్యనే అందాల అనూ ఇమ్మాన్యుయేల్‌ కూడా జాయిన్‌ అయ్యింది. ఈ ముద్దుగుమ్మపై ఓ సాంగ్‌ కొన్ని సన్నివేశాలు చిత్రకరణ జరిపారు. ఆన్‌ లొకేషన్‌ నుండి అనూ ఇమ్మాన్యుయేల్‌ కొన్ని ఫోటోలు సోషల్‌ మీడియాలో షేర్‌ చేయగా, మరికొన్ని చిత్ర యూనిట్‌ షేర్‌ చేసింది. ఆ రకంగా చాలా ఫోటోలు నెట్‌లో హల్‌ చల్‌ చేశాయి. తాజాగా ఈ షెడ్యూల్‌లో జాయిన్‌ అయ్యేందుకు ముద్దుగుమ్మ కీర్తి సురేష్‌ కూడా సిద్ధమైంది. కీర్తి సురేష్‌ యూరప్‌లో ఆడుగుపెట్టినట్లున్న కొన్ని ఫోటోలు తాజాగా సోషల్‌ మీడియాలో హల్‌ చల్‌ చేస్తున్నాయి. ఎప్పుడూ ట్రెడిషనల్‌ వేర్‌లో కనిపించే కీర్తి సురేష్‌ అల్ట్రా మోడ్రన్‌ లుక్‌లో భలేగుంది ఈ ఫోటోల్లో. జీన్స్‌, టీ షర్టు వేసుకుని, పైన లాంగ్‌ కోట్‌తో డిఫరెంట్‌ హెయిర్‌ స్టైల్‌తో భలే ముద్దొచ్చేస్తోందిలే. ఇంకా ఈ సినిమాకి టైటిల్‌ ఫిక్స్‌ చేయలేదు. 'అజ్ఞాతవాసి' అనే టైటిల్‌ని పరిశీలిస్తున్నారు. కాగా ఇంతవరకూ ముద్దుగుమ్మ అనూ ఇమ్మాన్యుయేల్‌ యూరప్‌లో షూటింగ్‌ ఎంజాయ్‌మెంట్‌తో పాటు, ప్రకృతి అందాల్ని కూడా ఎంజాయ్‌ చేస్తోంది. ఆమె అంద చందాల్ని అభిమానులు ఎంజాయ్‌ చేస్తున్నారు. ఇప్పుడు తాజాగా యూరప్‌ అందాలతో తన అందాల్ని కనువిందు చేయడానికి ఎంట్రీ ఇచ్చింది క్యూట్‌ బ్యూటీ కీర్తి సురేష్‌. సినిమా స్క్రీన్‌పైకి రాకుండానే, ఆన్‌ లొకేషన్‌ ఫోటోలతో పవర్‌ స్టార్‌ ఫ్యాన్స్‌ ఇంతగా పండగ చేసుకుంటున్నారు. ఇక పండక్కి ఈ సినిమా ధియేటర్‌లో సందడి చేస్తే పండగ సందడి మామూలుగా ఉండేలా లేదులే!