రామ్ చ‌ర‌ణ్ కి డ్రీమ్ ప్రాజెక్టులు లాంటివి రెండున్నాయి. ఒకటి త‌న సొంత బ్యాన‌ర్ కొణిదెల ప్రొడ‌క్ష‌న్స్‌లో బాబాయ్ ప‌వ‌న్ క‌ల్యాణ్ తో ఓ సినిమా తీయ‌డం. రెండోది ప‌వ‌న్ క‌ల్యాణ్ బ్యాన‌ర్‌లో న‌టించ‌డం. ప‌వ‌న్ కి సొంతంగా ప‌వ‌న్ క‌ల్యాణ్ క్రియేటీవ్ వ‌ర్క్స్ బ్యాన‌ర్ ఉన్న సంగ‌తి తెలిసిందే. ఆ బ్యాన‌ర్‌లో సినిమా చేయాల‌న్న‌ది చ‌ర‌ణ్‌ కోరిక‌.

ఇప్పుడు చ‌ర‌ణ్ కోరిక తీర‌బోతోంది. ప‌వ‌న్ క‌ల్యాణ్ నిర్మాత‌గా, చ‌ర‌ణ్ హీరోగా ఓసినిమా ప‌ట్టాలెక్క‌బోతోంది. దీనికి త్రివిక్ర‌మ్ ద‌ర్శ‌క‌త్వం వ‌హిస్తారు. త్రివిక్ర‌మ్ తో ఓ సినిమా చేయాల‌ని చ‌ర‌ణ్ ఎప్ప‌టి నుంచో అనుకుంటున్నాడు. ఒక దెబ్బ‌కు రెండు పిట్ట‌ల్లా.. ఒకే సినిమాతో రెండు కోరిక‌లూ తీర‌బోతున్నాయి. ప‌వ‌న్‌కి చ‌ర‌ణ్ కాల్షీట్లు ఇచ్చాడు స‌రే, మ‌రి చ‌ర‌ణ్‌కి ప‌వ‌న్ ఎప్పుడు కాల్షీట్లు ఇస్తాడు? అనేది ఇప్పుడు ఆస‌క్తిని రేకెత్తిస్తోంది. కొణిదెల ప్రొడ‌క్ష‌న్స్‌లో ప‌వ‌న్ తో సినిమా కోసం చ‌ర‌ణ్ ఎప్ప‌టి నుంచో క‌థ‌లు వెదుకుతున్నాడు. ఆ ప్ర‌య‌త్నాలు ఇంకా సాగుతూనే ఉన్నాయి. మ‌రోవైపు ప‌వ‌న్ కూడా త‌న ప్రాజెక్టులతో బిజీ. అందుకే ప‌వ‌న్ - చ‌ర‌ణ్‌ల కాంబో ఇంకా ఖ‌రారు కాలేదు. ప‌వ‌న్ చేతిలో ఉన్న సినిమాలు అయిపోయేలోగా... చ‌ర‌ణ్ క‌థ‌ని రెడీ చేస్తే స‌రి. మ‌రి ఆ క‌థ ఎప్పుడు దొరుకుతుందో చూడాలి.