2021 సంక్రాంతి రాజ‌మౌళిదే. ఎందుకంటే ఆర్‌.ఆర్‌.ఆర్‌... సంక్రాంతికే విడుదల అవుతోంది. ఇద్ద‌రు హీరోల సినిమా. దానికి తోడు రాజ‌మౌళి సినిమా. అందుకే ఈ సినిమాకి పోటీగా మ‌రో సినిమాని సంక్రాంతి బ‌రిలో నిల‌ప‌డానికి నిర్మాత‌లంతా భ‌య‌ప‌డుతున్నారు. సంక్రాంతికి రావ‌ల్సిన సిన‌పిమాలు సైతం వాయిదా ప‌డుతున్నాయి. అయితే ప‌వ‌న్‌క‌ల్యాణ్ మాత్రం ధైర్యం చేస్తున్నాడు. కొండ‌ని ఢీ కొట్ట‌డానికి రెడీ అవుతున్నాడు. ప‌వ‌న్ - క్రిష్ కాంబినేష‌న్‌లో ఓ సినిమా రూపుదిద్దుకుంటున్న సంగ‌తి తెలిసిందే.

ఈ చిత్రాన్ని ద‌స‌రాకి విడుద‌ల చేయాల‌ని చిత్ర‌బృందం భావిస్తోంది. అయితే ఈ సినిమా ద‌స‌రాకి రాక‌పోవొచ్చ‌ని టాక్. సినిమా ఆల‌స్యం అయితే మాత్రం సంక్రాంతికి విడుదల చేయాల‌ని ఆలోచిస్తున్నారు. సంక్రాంతికి ఆర్‌.ఆర్ ఆర్ ఉన్నా స‌రే, ఏమాత్రం భ‌య‌ప‌డొద్ద‌ని ప‌వ‌న్ చిత్ర‌బృందానికి ధైర్యం చెబుతున్నాడ‌ట‌. 2021 సంక్రాంతికి ప‌వ‌న్ సినిమా వ‌స్తే... పోటీ ర‌స‌వ‌త్తరంగా మార‌డం ఖాయం.