గ‌మ్యం నుంచి గౌత‌మి పుత్ర శాత‌క‌ర్ణి వ‌ర‌కూ క్రిష్ క‌థ‌ల‌న్నీ ఓ సామాజిక నేప‌థ్యంలోంచే పుట్టుకొచ్చాయి. స‌మాజానికి హిత‌వు ప‌లికే విష‌యం ఏదో త‌న సినిమాలో చెప్పాల‌నే ప్ర‌య‌త్నం చేస్తారు. ప‌వ‌న్ క‌ల్యాణ్‌తో క్రిష్ ఓ సినిమా చేయ‌బోతున్నారు. దాదాపు ప‌వ‌న్ రీ ఎంట్రీ క్రిష్‌తో ఖాయ‌మైన‌ట్టే. క‌థ కూడా సిద్ధ‌మైంది. ఇటీవ‌ల ప‌వ‌న్‌కి కూడా ఈ క‌థ వినిపించారు. ఈసారీ క్రిష్ త‌న‌దైన శైలిలో ఓ సందేశాత్మ‌క సినిమానే తీస్తారనుకున్నారు సినీ జ‌నాలు.
అయితే వాళ్లంద‌రికీ క్రిష్ ఇప్పుడు షాక్ ఇవ్వ‌బోతున్నాడు, ఈసారి క్రిష్ పూర్తి క‌మ‌ర్షియ‌ల్ సినిమానే తీయ‌బోతున్నాడ‌ట. అది కూడా ఓ జాన‌ప‌ద క‌థ‌తో. అవును.. ప‌వ‌న్ కోసం క్రిష్ ఓ జాన‌ప‌ద క‌థ‌ని ఎంచుకున్నాడ‌ని టాక్‌. ఇందులో క‌త్తియుద్ధాలు, రాజ కోట‌లు, రాకుమారితో ప్రేమాయ‌ణాలు ఇవ‌న్నీ ఉంటాయ‌ట. ప‌వ‌న్ ఇన్నేళ్ల కెరీర్‌లో ఎప్పుడూ జాన‌ప‌ద క‌థ ఎంచుకోలేదు. క్రిష్ క‌థ‌కి ఓకే చెబితే, ఇదే త‌న తొలి జాన‌ప‌ద చిత్రం అవుతుంది. మ‌రి.. ప‌వ‌న్ ఏం చేస్తాడో చూడాలి.
