ఆది సాయికుమార్ హీరోగా శ్రీ‌నివాస్ నాయుడు న‌డిక‌ట్ల ద‌ర్శ‌క‌త్వంలో రూపొందుతోన్న చిత్రం 'శ‌శి'. సుర‌భి నాయిక‌గా న‌టిస్తోన్న ఈ చిత్రాన్ని శ్రీ హ‌నుమాన్ మూవీ మేక‌ర్స్ ప‌తాకంపై ఆర్‌.పి. వ‌ర్మ‌, సి. రామాంజ‌నేయులు, చింత‌ల‌పూడి శ్రీ‌నివాసరావు నిర్మిస్తున్నారు. ల‌వ్ యాక్ష‌న్ థ్రిల్ల‌ర్‌గా రూపొందుతున్న ఈ సినిమా షూటింగ్‌తో పాటు పోస్ట్ ప్రొడ‌క్ష‌న్ వ‌ర్క్‌ పూర్త‌యింది.

మార్చి 19న చిత్రాన్ని విడుద‌ల చేయ‌డానికి స‌న్నాహాలు చేస్తున్నారు. ఈరోజు 'శ‌శి' ట్రైల‌ర్‌ను ప‌వ‌ర్ స్టార్ ప‌వ‌న్ క‌ల్యాణ్ లాంచ్ చేశారు. ట్రైల‌ర్ ఉత్కంఠ‌భ‌రితంగా ఉంద‌నీ, సినిమా కూడా అంతే థ్రిల్లింగ్‌గా ఉంటుంద‌ని ఆశిస్తున్నాన‌నీ ఆయ‌న అన్నారు. సినిమా మంచి విజ‌యం సాధిస్తుంద‌నే ఆకాంక్ష‌ను వ్య‌క్తం చేశారు.