పవన్-వెంకీల మధ్య ఉన్న రిలేషన్ గురించి ప్రత్యేకంగా చెప్పకర్లేదు. వీరి మధ్య ఉన్న కెమిస్ట్రీ మనకి గోపాలా గోపాలా చిత్రంలో స్పష్టంగా కనపడుతుంది.
అలాగే వీరి మధ్య కొన్ని కామన్ పాయింట్స్ ఉన్నాయి. అందులో ఒకటి ఇద్దరు తమతమ సినీ కెరీర్ లో చాలా రీమేక్స్ చేశారు. ఇప్పుడు మాత్రం ఈ ఇద్దరి కన్ను ఒక హిందీ సినిమా పై పడింది అన్నది ఫిలిం నగర్ వర్గాల్లో వినిపిస్తున్న టాక్.
వివరాల్లోకి వెళితే, హిందీలో అక్షయ్ కుమార్ నటించిన జాలీ LLB 2 చిత్రం విడుదల అయి మంచి ప్రజాదరణ పొందింది. ఇక ఆ చిత్రాన్ని చేయడానికి ఈ ఇద్దరు హీరోలు ఆసక్తి చూపుతున్నారట! అంతేకాక ఈ చిత్రానికి త్రివిక్రమ్ సంభాషణలు అందించే ఆస్కారం ఉందని ఫిలిం నగర్ లో పెద్ద టాక్.
అయితే ఈ టాక్ కి సంబంధించి త్వరలోనే ఓ క్లారిటీవస్తుందని అందరు ఎదురుచూస్తున్నారు. మరి మనము ఆ సమయం కోసం వెయిట్ చేద్దాం.
