ప‌వ‌న్ క‌ల్యాణ్ దూకుడు మామూలుగా లేదు. సినిమాల‌పై సినిమాలు ఒప్పుకుంటున్నాడు. వ‌చ్చే ఎన్నిక‌ల లోపు పార్టీని బ‌లోపేతం చేయాల‌న్నది ప‌వ‌న్ ఆలోచ‌న‌. ఆలోగా.. ఆర్థికంగా స్థిర‌ప‌డాలి. ఎన్నిక‌ల‌కు ఇంకా స‌మ‌యం ఉన్నందుకు.. ప‌వ‌న్ సినిమాల‌తో బిజీ అవ్వాల‌నుకుంటున్నాడు. అందుకే వ‌రుసగా సినిమాల‌పై సంత‌కాలు చేస్తున్నాడు. పింక్ రీమేక్‌ని ప‌ట్టాలెక్కించిన ప‌వ‌న్‌, క్రిష్ సినిమానీ మొద‌లెట్టేశాడు. త్వ‌ర‌లోనే హ‌రీష్ శంక‌ర్ సినిమానీ మొద‌లెడ‌తారు. ఇప్పుడు మ‌రో సినిమాకీ సై అన్న‌ట్టు తెలుస్తోంది. ద‌ర్శ‌కుడు బాబీ ప‌వ‌న్ కోసం ఓ క‌థ సిద్ధం చేస్తున్న‌ట్టు తెలుస్తోంది.

ఇటీవ‌ల `జై ల‌వ‌కుశ‌`, `వెంకీ మామ‌` సినిమాల‌తో ఆక‌ట్టుకున్నాడు బాబీ. అంత‌కు ముందు ప‌వ‌న్‌తో `స‌ర్దార్ గ‌బ్బ‌ర్ సింగ్‌` తెర‌కెక్కించాడు. ఆ సినిమా ఫ్లాప్ అయ్యింది. అయినా స‌రే.. బాబికి మ‌రో ఆఫ‌ర్ ఇవ్వ‌డానికి ప‌వ‌న్ సైతం సిద్ధంగా ఉన్నాడ‌ని వినికిడి. త్వ‌ర‌లోనే ప‌వ‌న్ - బాబీ మ‌ధ్య క‌థా ప‌ర‌మైన చ‌ర్చ‌లు కూడాజ‌ర‌గ‌బోతున్నాయ‌ని, అవి గ‌నుక ఓకే అయితే.. ఈ సినిమాకీ ప‌వ‌న్ గ్రీన్ సిగ్న‌ల్ ఇస్తార‌ని తెలుస్తోంది.