ప‌వ‌న్ కల్యాణ్ చేయాల్సిన సినిమాలు చాలా ఉన్నాయి. సెట్స్‌పై ఉన్న సినిమాలు పూర్తి చేస్తే గానీ, మిగిలిన‌వి ఓ కొలిక్కి రావు. వ‌కీల్ సాబ్‌, క్రిష్‌సినిమా పూర్త‌యితే త‌ప్ప - హ‌రీష్ శంక‌ర్ సినిమా మొద‌లవ్వ‌దు. ఆ త‌ర‌వాత అయ్య‌ప్ప‌యుమ్ కోషియ‌మ్ రీమేక్ ఎలాగూ ఉంది. మైత్రీ మూవీస్ లో సురేంద‌ర్ రెడ్డి ద‌ర్శ‌క‌త్వంలో ఓసినిమా ఖాయం చేసుకున్నాడు. ఈ అయిదు సినిమాలు పూర్తి చేయ‌డ‌మే గ‌గ‌నం అయిపోతున్న త‌రుణంలో ప‌వ‌న్ చేతికి మ‌రిన్ని అడ్వాన్సులు వ‌చ్చాయ‌న్న‌ది టాలీవుడ్ టాక్‌.

ఇటీవ‌ల బండ్ల గ‌ణేష్ ప‌వ‌న్‌ని క‌లిసిన సంగ‌తి తెలిసిందే. బాస్ తో సినిమా చేస్తున్నా - అంటూ ప్ర‌క‌టించేశాడు కూడా. బండ్ల ప‌వ‌న్ చేతికి 10 కోట్ల అడ్వాన్స్ ఇచ్చాడ‌ని తెలుస్తోంది. మ‌రో కొత్త నిర్మాత కూడా ప‌వ‌న్‌కి అడ్వాన్సు ఇచ్చాడ‌ని, ద‌ర్శ‌కుడెవ‌ర‌న్న‌ది ఇంకా ఖ‌రారు కాక‌పోయినా, ఆ నిర్మాత‌కు ప‌వ‌న్ ఓ సినిమా చేసిస్తాన‌ని మాటిచ్చాడ‌ని తెలుస్తోంది. అంటే చేతిలో ఉన్న సినిమాలే కాకుండా, మ‌రో రెండు సినిమాలు కొత్త‌గా ఒప్పుకున్నాడ‌న్న‌మాట‌. ఇవ‌న్నీ పూర్త‌య్యేస‌రికి క‌నీసం మూడేళ్ల‌యినా ప‌డుతుంది.

చేతిలో ఉన్న సినిమాల ప‌ని ప‌ట్ట‌కుండా, కొత్త‌వి ఒప్పుకోవ‌డం ఏమిటో సినీ జ‌నాల‌కు అర్థం కావ‌డం లేదు. ప‌వ‌న్ సినిమా చేస్తాన‌ని మాటిస్తే చాలు - అడ్వాన్సులు ఇచ్చేద్దాం అని నిర్మాత‌లు ఎగ‌బ‌డుతుంటే, ప‌వన్ మాత్రం ఏం చేస్తాడు?