పవర్ స్టార్ పవన్ కళ్యాణ్-రవితేజ కలయికని ఇంకోన్ని రోజుల్లో మనం చూడబోతున్నాము. అయితే ఇదేదో సినిమా కోసం కాదు...
పూర్తి వివరాల్లోకి వెళితే, మాస్ మహారాజ్ రవితేజ తాజా చిత్రం నేల టిక్కెట్టు ఆడియో విడుదల కార్యక్రమం ఈ నెల 10న విడుదలకానుంది. ఈ కార్యక్రమానికి ముఖ్యఅతిధిగా పవన్ కళ్యాణ్ రానున్నట్టుగా నేల టిక్కెట్టు చిత్ర నిర్మాత అధికారికంగా ప్రకటించాడు.
అయితే రవితేజ-పవన్ లు ఇప్పటివరకు ఒక్కసారి కూడా ఏ ఒక్క ఈవెంట్ లో కలిసి కనిపించలేదు. దీనితో ఈ ఈవెంట్ కి చాలా ప్రాధాన్యత ఏర్పడింది, ఇరు హీరోల అభిమానులు కూడా ఈ ఈవెంట్ కోసం ఎదురు చూస్తున్నారు.
ఇక రవితేజ తో పాటుగా ఈ సినిమాలో హీరోయిన్ మాళవిక శర్మ నటిస్తున్నది. ఈ చిత్రానికి శక్తికాంత్ స్వరాలు సమకూర్చారు.
