ఇటీవలే 'కాటమరాయుడు' సినిమాతో మన ముందుకొచ్చాడు పవర్‌ స్టార్‌ పవన్‌ కళ్యాణ్‌. తమిళ 'వీరమ్‌' సినిమాకి తెలుగు రీమేక్‌ అయిన ఈ సినిమా భారీ అంచనాలతో ప్రేక్షకుల ముందుకొచ్చింది. కానీ అనుకున్న అంచనాలను అందుకోలేకపోయింది. దాంతో ఫ్యాన్స్‌కి మళ్లీ బూస్టప్‌ ఇవ్వడం కోసం పవన్‌ తన నెక్స్ట్‌ సినిమాని త్వరలోనే సెట్స్‌ మీదికి తీసుకెళ్లనున్నాడట. త్రివిక్రమ్‌ దర్శకత్వంలో పవన్‌ సినిమా చేస్తున్న సంగతి తెలిసిందే. ఈ సినిమా ఏప్రిల్‌ 6న సెట్స్‌ మీదికెళ్లనుందట. 'కాటమరాయుడు' నుండి ఎక్కువగా గ్యాప్‌ తీసుకోకుండానే పవన్‌ కొత్త సినిమా పట్టాలెక్కించేస్తున్న విషయం తెలిసి, ఫ్యాన్స్‌ ఫుల్‌ ఖుషీ అవుతున్నారు. ఈ సినిమా 'అత్తారింటికి దారేది' సినిమా తరహాలో ఫుల్‌ లెంగ్త్‌ ఫ్యామిలీ ఎంటర్‌టైనర్‌గా తెరకెక్కనుందట. ఈ సినిమాలో ముద్దుగుమ్మ కీర్తి సురేష్‌ హీరోయిన్‌గా నటిస్తోంది. ఈ సినిమాను త్రివిక్రమ్‌ చాలా తక్కువ టైంలోనే కంప్లీట్‌ చేసే యోచనలో ఉన్నాడట. అంటే ఈ ఏడాది ద్వితీయార్ధంలోనే ఈ సినిమాని విడుదల చేయాలని త్రివిక్రమ్‌ ఆలోచన. అందుకు తగ్గట్లుగానే ఈ సినిమాకి బ్యాక్‌ గ్రౌండ్‌ వర్క్‌ అంతా ముందే ప్రిపేర్‌ చేసి పెట్టేశాడట. అన్నట్లు ఈ సినిమాని సెట్స్‌ మీదికెళ్లగానే ఫస్ట్‌ ఫస్ట్‌ ఓ పవర్‌ ఫుల్‌ ఫైట్‌ సన్నివేశాన్ని చిత్రీకరించనున్నారని సమాచారమ్‌. అంటే పవన్‌ నుండి ఈ ఏడాదిలో మరో సినిమా రానుందన్న మాట. తమిళ్‌ డైరెక్టర్‌ నేశన్‌తో పవన్‌ మరో సినిమాకి కమిట్‌ అయిన సంగతి కూడా తెలిసిందే. అయితే ఈ సినిమా వచ్చే ఏడాదిలో పట్టాలెక్కే అవకాశాలున్నాయి.