'ఆర్‌ఎక్స్‌ 100' సినిమాతో అందాలతో గాలమేసి కుర్రకారును ముగ్గులోకి దింపేసిన ముద్దుగుమ్మ పాయల్‌ రాజ్‌పుత్‌ అప్పుడే హీరోయిన్‌ సెంట్రిక్‌ మూవీల వైపుగా అడుగులు మొదలెట్టేసింది. కమర్షియల్‌ హీరోయిన్‌గా ఎన్నో సక్సెస్‌లు, పాపులారిటీ దక్కించుకున్నాకే హీరోయిన్‌ ప్రాధాన్యత ఉన్న సినిమాల్లో అవకాశాలు దక్కుతుంటాయి ముద్దుగుమ్మలకి. అయితే ఆ అవకాశం కెరీర్‌ మొదట్లోనే దక్కించేసుకుంది ముద్దుగుమ్మ పాయల్‌ రాజ్‌పుత్‌.
సి.కళ్యాణ్‌ నిర్మాణంలో పాయల్‌ రాజ్‌పుత్‌ మెయిన్‌ లీడ్‌లో 'ఆర్‌డీఎక్స్‌' అనే సినిమా రూపొందుతోంది. తేజస్‌ హీరోగా నటిస్తున్నాడు. శంకర్‌ భాను దర్శకత్వం వహిస్తున్నాడు. ఓ పవర్‌ఫుల్‌ కాన్సెప్ట్‌తో ఈ సినిమా తెరకెక్కుతోంది. తొలి సినిమాకే హాట్‌ హాట్‌గా గ్లామర్‌ యాంగిల్స్‌ని వడ్డించేయడంతో పాటు, పర్‌ఫామెన్స్‌ కూడా చూపించేసిన ముద్దుగుమ్మతో ఈ సబ్జెక్ట్‌ ఖచ్చితంగా వర్కవుటవుతుందని భావించిన ప్రముఖ నిర్మాత సి.కళ్యాణ్‌ ఈ సినిమాకి శ్రీకారం చుట్టారు.
లేటెస్ట్‌గా స్టార్ట్‌ అయిన 'ఆర్‌డీఎక్స్‌' మూవీ రెగ్యులర్‌ షూటింగ్‌ విజయవాడలో జరగనుంది. ఆంధ్రప్రదేశ్‌ పరిసర ప్రాంతాల్లోనే పూర్తిగా ఈ సినిమాని తెరకెక్కించనున్నారట. పాయల్‌ విషయానికి వస్తే, ప్రస్తుతం స్టార్‌ హీరో వెంకీకి జోడీగా 'వెంకీ మామ'లో నటిస్తోంది. యంగ్‌ హీరో బెల్లకొండతో 'సీత' సినిమాలో స్పెషల్‌ సాంగ్‌లో చిందేస్తోంది. మరిన్ని బిగ్‌ ప్రాజెక్టులు పాయల్‌ చేతిలో పడేందుకు సిద్ధంగా ఉన్నాయి. లెట్స్‌ వెయిట్‌ అండ్‌ సీ.!
