'ఆర్‌ఎక్స్‌ 100' సినిమాతో బోల్డ్‌నెస్‌ కా బాప్‌ అన్న తీరుగా అందాల రచ్చ చేసేసింది ముద్దుగుమ్మ పాయల్‌ రాజ్‌పుత్‌. తొలి సినిమాకే ఇంత చేయడం, అనూహ్యంగా ఏ బోల్డ్‌ సినిమాకీ దక్కని పాపులారిటీ ఈ సినిమా దక్కించుకోవడం, సెన్సేషనల్‌ విజయం సాధించేయడం.. ఇలా ఒక్కటి కాదు, అన్నీ ఈ సినిమాకి అలా కలిసొచ్చేశాయి. దాంతో పాయల్‌ పేరు తెగ మార్మోగిపోయింది. ఆ తర్వాత ఆమెకు వరుసగా ఆఫర్లు క్యూ కట్టాయి.
ప్రస్తుతం 'వెంకీ మామ'లో వెంకటేష్‌తో జోడీ కడుతున్న పాయల్‌, మరోవైపు 'డిస్కోరాజా'లో రవితేజతోనూ జత కడుతోంది. ఇవే కాక, 'ఆర్‌ఎక్స్‌ 100' సినిమాలో అమ్మడి టాలెంట్‌కి కెరీర్‌ తొలి నాళ్లలోనే ఏకంగా లేడీ ఓరియెంటెడ్‌ మూవీకి సై అనేసింది. ప్రముఖ నిర్మాత సి.కళ్యాణ్‌ అంతటోడే పాయల్‌తో లేడీ ఓరియెంటెడ్‌ మూవీ రూపొందించేందుకు ముందుకు రావడం విశేషం.
అదే 'ఆర్‌ డీ ఎక్స్‌'. టైటిల్‌ 'ఆర్‌ఎక్స్‌ 100'ని తలపిస్తున్నా, బోల్డ్‌నెస్‌ అంతకు మించే ఉండేలా అనిపిస్తోంది. అందుకు నిదర్శనంగా లేటెస్ట్‌గా విడుదల చేసిన ఫస్ట్‌లుక్‌ బలాన్ని చేకూరుస్తోంది. తాజాగా 'ఆర్‌డీఎక్స్‌' ఫస్ట్‌లుక్‌ని వెంకటేష్‌ విడుదల చేశాడు. ఈ సినిమాలో పాయల్‌ హాట్‌నెస్‌ ఏ రేంజ్‌లో ఉండబోతోందో తెలియచెప్పేందుకు సంకేతంగా ఈ ఫస్ట్‌లుక్‌ వదిలినట్లు అనిపిస్తోంది. తేజస్‌ కుంచర్ల హీరోగా నటిస్తున్న ఈ సినిమాకి శంకర్‌ భాను దర్శకుడు.
