మాస్‌ రాజా రవితేజ తాజా చిత్రం 'డిస్కోరాజా'లో పాయల్‌ రాజ్‌పుత్‌ హీరోయిన్‌గా నటిస్తున్న సంగతి తెలిసిందే. ఈ సినిమాలో నభా నటేష్‌ మరో హీరోయిన్‌గా నటిస్తోంది. నభా నటేష్‌ ఢిల్లీలో వర్క్‌ చేసే ఓ బ్యాంక్‌ ఉద్యోగినిగా నటించనుందని డైరెక్టర్‌ చెప్పాడు. అలాగే రవితేజ 'డిస్కోరాజా' అనే గ్యాంగ్‌స్టర్‌గా కనిపించనున్నారనే సీక్రెట్‌ కూడా రివీల్‌ చేశారు. మిగిలిన కీలక పాత్రల్లో విలన్‌ బాబీ సింహా క్యారెక్టర్‌నీ ఆయన రివీల్‌ చేశారు. చెన్నైకి చెందిన గ్యాంగ్‌స్టర్‌గా బాబీ సింహా కనిపించనున్నారట. అన్ని పాత్రల ప్రొఫిషన్స్‌ రివీల్‌ చేశారు. కానీ, పాయల్‌ మాత్రం ఓ విభిన్నమైన పాత్రలో కనిపిస్తుందని చెప్పారంతే.
పాయల్‌ పాత్రను అంత సీక్రెట్‌గా ఉంచారంటే, ఆ పాత్రలో సమ్‌థింగ్‌ విషయం దాగి ఉండాలి. వి.ఐ.ఆనంద్‌ గత చిత్రాలన్నింట్లోనూ ఊహకు అందని ఆసక్తికరమైన విషయం దాగుంటుంది. 'ఒక్క క్షణం', 'ఎక్కడికి పోతావు చిన్నవాడా' తదితర చిత్రాల్లోని ఆ ఇంటెన్సిటీనే అభిమానులు ఆదరించారు. అలాగే 'డిస్కోరాజా' కాన్సెప్ట్‌ కూడా సరికొత్తగా ఉంటుందనీ, అందరికీ నచ్చుతుందని ఆయన ధీమా వ్యక్తం చేస్తున్నారు. నమ్మకం ఫలించి మంచి రిజల్ట్‌ దక్కితే ఈ సినిమాకి సీక్వెల్‌ కూడా ఉందట. ఆల్రెడీ సీక్వెల్‌ లైన్‌ కూడా సిద్ధంగా ఉంచారట. చూడాలి మరి, 'డిస్కోరాజా' ఇటు వి.ఐ.ఆనంద్‌కీ, అటు రవితేజకీ ఎలాంటి రిజల్ట్‌ ఇస్తుందో. ఈ శుక్రవారం ప్రేక్షకుల ముందుకు రానుంది 'డిస్కోరాజా'.
