దర్శకుడు మారుతి కథ, మాటలు అందివ్వగా బుల్లితెర నుండి వెండితెరకు వచ్చిన ప్రభాకర్ దర్శకత్వం వహించిన చిత్రం బ్రాండ్ బాబు. ఈ సినిమాతో సుమంత్ శైలేంద్ర హీరోగా తెలుగు చిత్రసీమకి పరిచయమయ్యాడు.
ఇక్కడ వరకు బాగానే ఉంది, అయితే ఈ చిత్రం పైన అనూహ్యంగా ఒక పోలీసు కేసు నమోదైంది. ఆ కేసు ఏంటంటే- ఈ చిత్రంలో ఒక మహిళ జర్నలిస్ట్ ఫోటోని ఆమె అనుమతి లేకుండా వాడటం పైగా సదరు వ్యక్తి చనిపోయినట్టుగా అందులో చూపెట్టడం జరిగింది.
అయితే తన అనుమతి లేకుండా పేస్ బుక్ నుండి ఆ ఫోటోని తీసుకుని సినిమాలో వాడుకున్న కారణంగా ఆమె ఈ అంశాన్ని తీవ్రంగా పరిగణిస్తూ బంజారాహిల్స్ పోలీసు స్టేషన్ లో ఈ విషయమై ఫిర్యాదు చేసింది.
ఈ ఫిర్యాదు పై బ్రాండ్ బాబు టీం స్పందించాల్సి ఉంది.
