ప్రముఖ బాలీవుడ్ హీరో అయిన అర్జున్ రాంపాల్ పై పోలీస్ కేసు నమోదు అయ్యే అవకాశం ఉంది.
వివరాల్లోకి వెళితే, అర్జున్ రాంపాల్ ఢిల్లీలోని ఒక హోటల్ లో ఒక వ్యక్తిని గాయపరిచినట్టు సమాచారం. ఈ తెల్లవారుజామున అర్జున్ ని ఒక ఫోటోగ్రాఫర్ తన అనుమతి లేకుండా ఫొటోస్ తీస్తున్న సమయంలో ఆ కెమెరాని అతని దగ్గరనుండి లాక్కుని విసిరేశాడు.
అయితే అది పొరపాటున అక్కడే ఉన్న ఒక వ్యక్తి తలకి తగలడంతో అతను స్వల్పంగా గాయపడ్డాడు. ఆ గాయపడిన వ్యక్తి పోలీసులని ఆశ్రయించడంతో ఈ వార్త వెలుగులోకి వచ్చింది.
ప్రస్తుతం పోలీసులు ఆధారాలు సేకరిస్తున్నారు. అందులో అర్జున్ ఉద్దేశ్యపూర్వకంగా చేశాడని తెలిస్తే అతని పై కేసు నమోదయ్యే అవకాశం ఉంది.
