ఎన్టీఆర్‌ - త్రివిక్రమ్‌ కాంబినేషన్‌లో సినిమా తెరకెక్కుతోన్న సంగతి తెలిసిందే. ఈ సినిమాలో హీరోయిన్లుగా ఇద్దరు ముద్దుగుమ్మల్ని ఎంపిక చేసుకున్నారనీ తెలియ వస్తోంది. ఒకరు అనూ ఇమ్మాన్యుయేల్‌ కాగా, మరో ముద్దుగుమ్మ పూజా హెగ్దే. వీరిలో అనూ ఇమ్మాన్యుయేల్‌ ఆల్రెడీ త్రివిక్రమ్‌ - పవన్‌తో తెరకెక్కిస్తున్న సినిమాలో హీరోయిన్‌గా నటిస్తోంది. అదే కాంబినేషన్‌ ఇప్పుడు ఈ సినిమాతో కంటిన్యూ చేసినట్లవుతుంది ఈ తాజా గాసిప్‌ నిజమైతే కనుక. కాగా ఈ సినిమాలో త్రివిక్రమ్‌ ఎన్టీఆర్‌ని చాలా స్మార్ట్‌ లుక్‌లో చూపించబోతున్నాడట. అందుకోసం ఎన్టీఆర్‌ కసరత్తులు మొదలెట్టేశాడట. ఈ మధ్య ఎన్టీఆర్‌ కొంచెం బొద్దుగా మారాడు. ఈ తాజా సినిమా కోసం మళ్లీ స్లిమ్‌ అవుతున్నాడనీ సమాచారమ్‌. త్వరలోనే ఈ సినిమా సెట్స్‌ మీదికెళ్లనుంది. ఈ సినిమాకి పవన్ సినిమాకి మ్యూజిక్‌నందిస్తున్న తమిళ మ్యూజిక్‌ డైరెక్టర్‌ అనిరుధ్‌ మ్యూజిక్‌ అందిస్తుండడం విశేషం. త్రివిక్రమ్‌తో ఎన్టీఆర్‌ నటిస్తున్న తొలి చిత్రమిది. అందుకే సెట్స్‌ పైకి వెళ్లకుండానే భారీగా అంచనాలున్నాయి. సరికొత్త కథాంశంతో తెరకెక్కుతోన్న చిత్రమిది. ఈ మధ్య ఎన్టీఆర్‌ చేస్తున్న సినిమాలన్నీ విభిన్నంగానే ఉంటున్నాయి. ఒక సినిమాకీ, మరో సినిమాకీ అస్సలు పొంతన లేకుండా, డిఫరెంట్‌ కథలను ఎంచుకుంటూ, వరుస సక్సెస్‌లు అందుకుంటున్నాడు. ఇటీవలే 'జై లవకుశ' సినిమాతో సూపర్‌ హిట్‌ అందుకున్నాడు. మూడు గెటప్స్‌లో నటించి మెప్పించాడు. తొలిసారిగా నెగిటివ్‌ గెటప్‌ కూడా ట్రై చేసేశాడు ఈ సినిమాతో ఎన్టీఆర్‌. కొత్త కొత్త కాన్సెప్ట్‌లు ఎంచుకోవడమే కాకుండా డిఫరెంట్‌ గెటప్స్‌నీ ఎంచుకుంటూ వస్తున్నాడు. కాగా త్రివిక్రమ్‌ సినిమా కోసం ప్లెజెంట్‌ లుక్‌ని ట్రై చేస్తున్నాడట ఎన్టీఆర్‌. అదేంటో త్వరలోనే తెలియనుందంటోంది చిత్ర యూనిట్‌.
