ప్రభాస్ ప్రస్తుతం రాధా కృష్ణ కుమార్ దర్శకత్వంలో 'రాధేశ్యామ్' అనే సినిమాలో నటిస్తున్నారు. ఈ సినిమాలో ప్రభాస్ కు జోడీగా బ్యూటిఫుల్ పూజాహెగ్డే నటిస్తున్నారు. ఈ సినిమాలో పూజ పాత్ర గురించి ఒక ఆసక్తికరమైన రూమర్ ఫిల్మ్ నగర్లో చక్కర్లు కొడుతోంది.
ఈ సినిమాలో పూజా హెగ్డే డబల్ రోల్ లో కనిపిస్తుందట. అందులోనూ కవల సోదరీమణులుగా నటిస్తోందని అంటున్నారు. అయితే ఒక పాత్ర సినిమా ప్రారంభంలోనే చనిపోతుందట. ఆ పాత్రకు సంబంధించిన హాస్పిటల్ సీన్స్ అన్నీ ఎంతో ఎమోషనల్ గా ఉంటాయని, హృదయానికి హత్తుకుంటాయని అంటున్నారు. సినిమాకు ఈ పాత్రే ఆధారంగా నిలుస్తుందట.
ఒకవేళ ఈ రూమర్ నిజమైతే పూజా ఇలా ద్విపాత్రాభినయం చేయడం తన కెరీర్లో తొలిసారి అవుతుంది. ఈ సినిమా కథ 1960ల నేపథ్యంలో సాగుతుందని ఇప్పటికీ ఒక టాక్ ఉంది. వరుసగా యాక్షన్ సినిమాలు చేసిన తర్వాత ప్రభాస్ నటిస్తున్న ప్రేమ కథా చిత్రం కావడంతో ఈ సినిమాపై ప్రేక్షకుల్లో ఆసక్తి నెలకొంది. యూవి క్రియేషన్స్, గోపి కృష్ణ మూవీస్ ఈ చిత్రాన్ని సంయుక్తంగా నిర్మిస్తున్నారు.
