భారత్‌కి బంగారు పతకాన్ని తెచ్చి పెట్టిన టెన్నిస్‌ దిగ్గజం పి.వి.సింధు బయోపిక్‌ని తెరకెక్కించేందుకు ప్రయత్నాలు జరుగుతున్న సంగతి తెలిసిందే. పలువురు స్టార్‌ హీరోయిన్ల పేర్లు ఈ లిస్టులో మెరిశాయి ఈ మధ్య. అయితే, ఎవరి పేరూ ఇంతవరకూ కన్‌ఫామ్‌ కాలేదు. బాలీవుడ్‌ నుండి దీపికా పదుకొనె పేరు బాగా వినిపించింది. తాజాగా జిగేల్‌ రాణి పూజా హెగ్దే పేరు తెరపైకి వచ్చింది. పూజా ఫిజిక్‌ సింధు పాత్రకు కరెక్ట్‌గా సెట్టవుతుందని ఆడియన్స్‌ కూడా పాజిటివ్‌ రెస్పాన్స్‌ ఇస్తున్నారు.
అన్నట్లు పూజా హెగ్దే కూడా ఈ విషయంలో తన కోరిక బయట పెట్టింది. స్పోర్ట్స్‌ నేపథ్యంలో నటించాలని ఉందని చెప్పింది. ఇటే సౌత్‌లో స్టార్‌ హీరోయిన్‌గా వెలుగొందుతున్న పూజా హెగ్దే బాలీవుడ్‌లోనూ సత్తా చాటేందుకు పోజిటివ్‌ వైబ్స్‌ కనిపిస్తున్నాయి. ఆల్రెడీ 'మొహంజోదారో' సినిమాతో బాలీవుడ్‌కి పరిచయమైన పూజా హెగ్దే, ఆ సినిమా నిరాశ పరచడంతో పూర్తిగా టాలీవుడ్‌ పైనే దృష్టి పెట్టింది. అయితే, అనుకోకుండా దక్కిన లక్కీ ఛాన్స్‌ 'హౌస్‌ ఫుల్‌ 4'తో మళ్లీ పూజా హెగ్దే అక్కడ కమ్‌ బ్యాక్‌ అయ్యేలా ఉంది. ఈ నెల 26న 'హౌస్‌ఫుల్‌ 4' విడుదల కానుంది. ఈ సినిమాలో అక్షయ్‌ కుమార్‌కి జోడీగా పూజా హెగ్దే నటిస్తోంది.
రెండు డిఫరెంట్‌ వేరియేషన్స్‌లో పూజా కనిపించనుంది ఈ సినిమాలో పునర్జన్మల నేపథ్యంలో తెరకెక్కుతోన్న చిత్రమిది. ఈ సినిమాపై భారీ అంచనాలున్నాయి. ఒకవేళ ఈ సినిమా హిట్‌ అయితే, పి.వి.సింధు బయోపిక్‌ పూజా చేతికి చిక్కినట్లే. స్పోర్ట్స్‌ నేపథ్యంలో నటించాలన్న పూజా కోరిక తీరినట్లే.. మరోవైపు తెలుగులో పూజా హెగ్దే ఇటీవల 'వాల్మీకి'తో మంచి హిట్‌ అందుకుంది. త్వరలో 'అల వైకుంఠపురములో' సినిమాతో రానుంది. యంగ్‌ హీరో అఖిల్‌తో ఓ సినిమాలో నటించనుంది.
