సోషల్‌ మీడియాలో ఎలాంటి ఫొటోలు, వీడియోలు పోస్ట్‌ చేస్తే తన పాపులారిటీ బాగా పెరుగుతుందో సెక్స్‌బాంబ్‌ పూనమ్‌ పాండేకి తెలిసినంతగా ఇంకెవరికీ తెలియదనడం అతిశయోక్తి కాదు. లేటెస్ట్‌ అండ్‌ హాటెస్ట్‌ పూనమ్‌ పాండే ఫొటో ఇది. ఇందులో పూనమ్‌ పాండే, పానీ పూరీల్ని ఓ పేపర్‌ ప్లేట్‌తో తన రెండు కాళ్ళ మీదా పెట్టుకుంది. 'పానీ పూరీ కావాలా?' ఆమె అదో రకం హాట్‌ అప్పీల్‌తో, సోషల్‌ మీడియాలో నెటిజన్లకు బంపర్‌ ఆఫర్‌ ఇచ్చింది. 

ఇంకేముంది, కుర్రకారు లొట్టలేసుకుంటూ 'అచ్చంగా అదే పానీ పూరీ మాక్కావాలి' అంటూ ఆమెని అడిగేశారు. సోషల్‌ మీడియాలో ఇప్పుడీ ఫొటో వైరల్‌గా మారింది. చేసిన సినిమాలు చాలా తక్కువ. కానీ, సోషల్‌ మీడియాలో ఈ బ్యూటీ చేసే ఎక్స్‌పోజింగ్‌ చాలా చాలా ఎక్కువ. దాన్నసలు ఎక్స్‌పోజింగ్‌ అంటారా? జుగుప్సాకరమైన వల్గారిటీ అన్నా కూడా అది తక్కువే. ఎవరేమనుకున్నా లెక్కచేయని నైజం పూనమ్‌ పాండేది. హోలీ పేరుతో అందాల విందు చేసినా, క్రిస్‌మస్‌ కానుక అంటూ 'జింగిల్‌ బూబ్స్‌'తో ఊపేసినా అది పూనమ్‌ పాండేకే చెల్లింది. ఇండియాలో ఈ తరహా వేషాలతో సోషల్‌ మీడియాలో 'హాట్‌ హాట్‌ బాంబులు' పేల్చే సెలబ్రిటీ ఇంకొకరు లేరనడం అతిశయోక్తి కాదేమో. 

తన టాలెంట్‌ని సినిమాల్లో సరిగ్గా వాడుకోవడంలేదు కాబట్టి, ఆ టాలెంట్‌ వృధా కాకుండా ఉండేందుకే సోషల్‌ మీడియాలో హీటెక్కించేస్తున్నానని చెబుతుంటుంది పూనమ్‌ పాండే. పానీ పూరీతోనూ పూనమ్‌ పాండే సోషల్‌ మీడియాలో హీటెక్కించేసి, కుర్రకారుకి కిర్రాకు పుట్టించగలదని ఎవరైనా ఇంతకు ముందు ఊహించారా? ఎవరూ ఊహించనిది చేయడమే ఆమె ప్రత్యేకత.