సోషల్‌ మీడియాలో విచ్చలవిడిగా అందాలారబోయడంలో పూనమ్‌ పాండేకి అస్సలు లిమిట్సే లేవు. సినిమాల్లో ఛాన్సులు రావు గానీ, సోషల్‌ మీడియాలో ఎక్స్‌పోజింగ్‌కి మాత్రం అమ్మడికి ఆకాశమే హద్దన్నట్లుగా చెలరేగిపోతుంటుంది. అలా సోషల్‌ మీడియాకి హాట్‌ బ్యూటీగా పాపులర్‌ అయ్యింది పూనమ్‌ పాండే. 

అమ్మడు ఏ రకంగా స్పందించాలన్నా, అందుకు ఏదో ఒక రకంగా తన అందాలనే ఎరగా వాడుతూ ఉంటుంది. ఉదాహరణకు హోలీ పండగ అయినా, క్రిస్‌మస్‌ పండగ అయినా గతంలో పూనమ్‌ చేసిన అందాల సందడి అంతా ఇంతా కాదు. ఇవన్నీ కాక ఎప్పటికప్పుడే బికినీలతో ఫ్రీ స్కిన్‌ షో చేస్తూ ఉంటుంది. ఇలా ఇంతవరకూ సోషల్‌ మీడియాలో ఎక్స్‌పోజింగ్‌కి పూనమ్‌ పాండేకి తిరుగే లేదు. అయితే తాజాగా ఆమెకు పోటీగా వచ్చింది ముద్దుగుమ్మ షెర్లీన్‌ చోప్రా. 

మోనా చోప్రా పేరుతో ఈ హాట్‌ బ్యూటీ తెలుగు ప్రేక్షకులకూ సుపరిచితురాలే. 'ఎ ఫిల్మ్‌ బై అరవింద్‌' సినిమాలో హీరోయిన్‌గా నటించింది. అమ్మడికి సినిమాల్లో అవకాశాలు ఒకటీ అరా అనే చెప్పొచ్చు. ఏకంగా హాలీవుడ్‌కీ పరుగులు పెట్టిందీ బ్యూటీ. కానీ అక్కడ అమ్మడిని ఎవరూ పట్టించుకోలేదు. ఇక బాలీవుడ్‌, టాలీవుడ్‌ని నమ్ముకుని ఇక్కడే ఉండిపోయింది. ఇప్పుడు సోషల్‌ మీడియాలో తన హాట్‌నెస్‌తో చెలరేగిపోతోంది. ఎంతలా అంటే, ఇదిగో పూనమ్‌ పాండేకి పోటీ ఇచ్చేంతలా. 

పూనమ్‌ పాండేకి కూడా సినిమాల్లో ఛాన్సులు అంతంత మాత్రమే. బాలీవుడ్‌లో ఒకటీ అరా చేసింది. టాలీవుడ్‌లో ఒక సినిమాలో నటించింది కానీ ఆ సినిమా ఏమైందో ఏమో ఎవరికీ తెలీదు. దాంతో ఇలా సోషల్‌ మీడియా వేదికగా తన అందాల రచ్చ మొదలెట్టింది. ఇప్పుడు సరిగా అదే రూట్‌ని ఫాలో చేస్తోంది ముద్దుగుమ్మ షెర్లీన్‌ చోప్రా. ఈ ముద్దుగుమ్మలు ఎంతగా తాపత్రయపడినా అవకాశాల కోసమే కదా. ఈ స్థాయిలో ఈ బ్యూటీస్‌ హాట్‌నెస్‌ చూసైనా ఎవరైనా అవకాశాలివ్వకపోతారా? చూద్దాం.