ప్ర‌భాస్ ఇప్పుడు 25వ సినిమాకి ద‌గ్గ‌ర ప‌డుతున్నాడు. 25వ సినిమా ఓ మైల్ స్టోన్‌. త‌ప్ప‌కుండా ప్ర‌త్యేకంగా ఉండాల‌ని అభిమానులు కోరుకుంటారు. దానికి త‌గ్గ‌ట్టుగానే... ప్ర‌భాస్ త‌న ప్ర‌ణాళిక‌లు సిద్ధం చేస్తున్నాడు. త‌న 25వ సినిమాని మైత్రీ మూవీస్ కి క‌మిట్ అయ్యాడు ప్ర‌భాస్. మైత్రీ ప్ర‌స్తుతం ప్ర‌భాస్ కి త‌గిన క‌థ‌లు సిద్ధం చేసే ప‌నిలో ఉంది. ఈసినిమాని పాన్ ఇండియా స్థాయిలో తెర‌కెక్కిస్తామంటోంది.

ఇప్పుడు ద‌ర్శ‌కుడు కూడా దొరికేశాడ‌ట‌. ప్ర‌భాస్ 25వ సినిమాకి సందీప్ రెడ్డి వంగా ద‌ర్శ‌క‌త్వం వ‌హిస్తాడ‌ని తెలుస్తోంది. ఈ మేర‌కు.. మైత్రీ మూవీస్ తో అగ్రిమెంట్లు కూడా కుదిరిపోయాయ‌ట‌. `అర్జున్ రెడ్డి`తో సందీప్ స్టామినా ఏమిటో అర్థ‌మైంది. ఆ సినిమాని బాలీవుడ్ కి తీసుకెళ్లి సూప‌ర్ హిట్ చేశాడు సందీప్‌. ఇప్పుడు హిందీలోనే మ‌రో సినిమా తీస్తున్నాడు. కాబ‌ట్టి సందీప్ పై పాన్ ఇండియా డైరెక్ట‌ర్ గా ముద్ర ప‌డిపోయిన‌ట్టే.

ప్ర‌భాస్‌- సందీప్ కాంబో సెట్ చేస్తే.. దేశ వ్యాప్తంగా మార్కెట్ చేసుకోవొచ్చ‌న్న‌ది మైత్రీ ఆలోచ‌న‌. అందుకే ఈ కాంబో సెట్ అయ్యింద‌ని తెలుస్తోంది. ప్ర‌భాస్ - సందీప్ అంటే.. బాక్సాఫీసు షేక్ అయిపోవ‌డం ఖాయం. మ‌రి అధికారిక ప్ర‌క‌ట‌న ఎప్పుడొస్తుందో చూడాలి.