ఈనెల 23న ప్ర‌భాస్ పుట్టిన రోజు. స్టార్ హీరో పుట్టిన రోజు అంటే.. కొత్త సినిమాకు సంబంధించి ఏదో ఓ అప్ డేట్ వ‌స్తుంది. ఫ‌స్ట్ లుక్‌, టీజ‌ర్లు మామూలే. ప్ర‌భాస్ `సాహో` త‌ర‌వాత `జాన్‌` సినిమాతో బిజీ అయ్యాడు. రాధా కృష్ణ ద‌ర్శ‌క‌త్వం వ‌హిస్తున్న ఈ చిత్రంలో పూజా హెగ్డే క‌థానాయిక‌. ఈ సినిమాకి సంబంధించి ఇప్ప‌టి వ‌ర‌కూ ఎలాంటి అఫీషియ‌ల్ అప్ డేడ్ బ‌య‌ట‌కు రాలేదు. క‌నీసం టైటిల్‌ని కూడా అధికారికంగా ప్ర‌క‌టించ‌లేదు.

ప్ర‌భాస్ పుట్టిన రోజున టైటిల్ తో పాటు ఫ‌స్ట్ లుక్ కూడా బ‌య‌ట‌కు వ‌దులుతార‌ని తెలుస్తోంది. అయితే పుట్టిన రోజున ప్ర‌భాస్ హైద‌రాబాద్ ఉండ‌డం లేదు. లండ‌న్ వెళ్లిపోతున్నాడు. లండ‌న్‌లో `బాహుబ‌లి` బ్యాక్ గ్రౌండ్ మ్యాజిక్‌కి సంబంధించిన లైవ్ కాన్సర్ట్ ఉంది. ఆ కార్య‌క్ర‌మానికి బాహుబ‌లి టీమ్ మొత్తం హాజ‌ర‌వుతుంది. అక్క‌డే ప్ర‌భాస్‌త‌న పుట్టిన రోజు కూడా జ‌రుపుకుని వ‌స్తాడు. ఈ హంగామా కోస‌మే `జాన్‌` షూటింగ్‌కి కూడా కొన్ని రోజులు బ్రేక్ ఇచ్చార‌ని తెలుస్తోంది.