మిర్చి కాంబో మ‌ళ్లీ రిపీట్ కాబోతోంద‌ని గ‌త కొన్ని రోజులుగా ఓ హాట్ వార్త చ‌క్క‌ర్లు కొడుతోంది. ప్ర‌భాస్ - కొర‌టాల శివ మ‌ళ్లీ క‌ల‌సి ఓ సినిమా చేస్తార‌ని ఈ వార్త‌ల సారాంశం. అది నిజం కాబోతోంది. ఇటీవ‌ల ప్ర‌భాస్ లండ‌న్ నుంచి తిరిగొచ్చారు. త‌న పుట్టిన రోజు హైద‌రాబాద్ లోనే జ‌రుపుకున్నారు. దీపావ‌ళి సంద‌ర్భంగా ఆయ‌న కొంత‌మంది స‌న్నిహితుల్ని క‌లుసుకున్నారు. అందులో కొర‌టాల శివ కూడా ఉన్నారు. వీరిద్ద‌రి మ‌ధ్య సినిమాకి సంబంధించిన చ‌ర్చ‌లు జ‌రిగాయ‌ని స‌మాచారం.
ప్ర‌స్తుతం కొర‌టాల - చిరంజీవితో ఓ సినిమా చేస్తున్నారు. అదెప్ప‌టికి పూర్త‌వుతుంది? ఎప్పుడు త‌న కోసం క‌థ సిద్ధం చేస్తార‌న్న విష‌యాల్ని ప్ర‌భాస్ ఆరా తీసిన‌ట్టు తెలుస్తోంది. 2020 వేస‌విలో ప్ర‌భాస్ సినిమా విడుదల అవుతోంది. దానికంటే ముందే కొర‌టాల శివ సినిమాని ప‌ట్టాలెక్కించాల‌ని ఆయ‌న భావిస్తున్నార్ట. మ‌రి అప్ప‌టిలోగా కొర‌టాల సిద్ధం అవుతాడో లేదో చూడాలి. మొత్తానికి మిర్చి కాంబో లో మ‌ళ్లీ సినిమారాబోతోంద‌న్న‌ది ఖాయ‌మైంది. ఇక ముహూర్తం కుద‌రడం ఒక్క‌టే త‌రువాయి.
