ప్ర‌భాస్ క‌థానాయ‌కుడిగా న‌టిస్తున్న ఈ చిత్రం `రాధే శ్యామ్`. ఈ సినిమాకి సంబంధించిన అప్ డేట్స్‌గురించి ప్ర‌భాస్ ఫ్యాన్స్ ఎంతో ఆస‌క్తితో ఎదురు చూస్తున్నారు. ఈ సినిమాకి సంబంధించిన చిన్న విష‌య‌మైనా... త్వ‌ర‌గా వైర‌ల్ అయిపోతోంది. ఇప్పుడు.. ఈ సినిమాకి సంబంధించిన ఓ బ‌డా న్యూస్ బ‌య‌ట‌కు వ‌చ్చేసింది. అదేంటంటే.. ఇందులో సీరియ‌ర్‌రెబల్ స్టార్ కృష్ణం రాజు కూడా న‌టిస్తున్నార్ట.
ఆయ‌న ప‌ర‌మ‌హంస పాత్రలో కనిపించ‌నున్నాడ‌ని స‌మాచారం. ఇద్ద‌రు రెబల్ స్టార్స్ ని ఒకే సారి చూస్తే.. అంత‌కంటే కావ‌ల్సిందేముంది? రాధాకృష్ణ ద‌ర్శ‌క‌త్వం వ‌హిస్తున్న ఈ చిత్రాన్ని యూవీ క్రియేషన్స్ నిర్మిస్తోంది. కృష్ణంరాజుకు చెందిన గోపీకృష్ణ మూవీస్ సంస్థ కూడా భాగ‌స్వామిగా వ్య‌వ‌హ‌రిస్తోంది. ఇప్ప‌టి వ‌ర‌కూ తెర వెనుకే ఉన్న కృష్ణంరాజు ఇప్పుడు తెర‌పైకి రాబోతున్నారు. ప్ర‌భాస్ - కృష్ణంరాజు క‌ల‌సి న‌టించ‌డం ఇదేం తొలిసారి కాదు. ఇది వ‌ర‌కు బిల్లా, రెబల్ చిత్రాల్లో న‌టించారు. ఇది మూడోసారి.
