పాపం పండగొచ్చిందంటే చాలు ప్రబాస్‌పై ఒత్తిడి పెరిగిపోతోంది. అందుకు కారణం ఆయన కొత్త సినిమా నుండి ఫ్యాన్స్‌ అప్‌డేట్‌ కోరుకోవడం. ‘బాహుబలి’ సినిమా కోసం ఐదున్నరేళ్లు ఒకే సినిమాకి కమిట్‌ అయిపోయాడు. ఆ తర్వాత వచ్చిన ‘సాహో’తో బాక్సాఫీస్‌ వద్ద కుదేలైపోయాడు. ఇక రానున్న సినిమా ‘జాన్‌’కి సంబంధించి ఫ్యాన్స్‌ సహనాన్ని పూర్తిగా పరీక్షించేస్తున్నాడు. ఈ సినిమా అప్‌డేట్‌ ఏంటో తెలియక సతమతమైపోతున్నారు ఫ్యాన్స్‌. పండగొస్తే, డార్లింగ్‌ సినిమా అప్‌డేట్‌ వస్తుందని ఆశిస్తున్నారు. కానీ, ఎలాంటి అప్‌డేట్‌ రాకపోవడంతో ఎప్పటిలాగే నిరీక్షిస్తున్నారు. ఇక ఇప్పుడు రానున్న పండగ ఉగాది.
ఉగాదికి ప్రబాస్‌ నుండి ఏదో ఒక అప్‌డేట్‌ రావాలన్న ఫ్యాన్స్‌ ఒత్తిడి ప్రబాస్‌ని బాగా డిస్ట్రబ్‌ చేస్తోందట. దాంతో ఈ సారి ఫ్యాన్స్‌ని ఎలాగైనా శాటిస్‌ఫై చేయానుకుంటున్నాడట. ఏ క్రమంలో ‘జాన్‌’ టీజర్‌ రిలీజ్‌ చేసే యోచనలో ప్రబాస్‌ ఉన్నట్లు తెలుస్తోంది. ఇదిలా ఉంటే, కరోనా ఎఫెక్ట్‌తో ఈ సినిమా షూటింగ్‌కి బ్రేక్‌ పడిరదన్న వార్తలు వినిపిస్తున్నాయి. మరోవైపు కాదు కాదు, కరోనాని సైతం లెక్క చేయకుండా ఈ సినిమా షూటింగ్‌ కోసం ప్రబాస్‌ యూరప్‌ వెళ్లాడనీ అంటున్నారు. ఈ ప్రచారంలో ఏది నిజమో ఏమో కానీ, ఇప్పటికైనా ‘జాన్‌’ నుండి ఏదో ఒక అప్‌డేట్‌ వస్తే బావుంటుంది. రాధాకృష్ణ దర్శకత్వంలో తెరకెక్కుతోన్న ఈ సినిమాలో పూజా హెగ్దే హీరోయిన్‌గా నటిస్తోన్న సంగతి తెలిసిందే. ‘జాన్‌’ అనేది కేవలం వర్కింగ్‌ టైటిల్‌ మాత్రమే. వాస్తవానికి ఈ సినిమా ఇంకా టైటిల్‌ కూడా ఫిక్స్‌ చేసుకోలేదు. అదీ సంగతి.
