తమిళంలో ప్రభుదేవా హీరోగా రూపొందుతోన్న 'చార్లి చాప్లిన్‌ 2' ఈ నెల 25న ప్రేక్షకుల ముందుకు తీసుకొచ్చేందుకు చిత్ర యూనిట్‌ సన్నాహాలు చేస్తోంది. చార్లిచాప్లిన్‌ అంటే ముందుగా గుర్తొచ్చేది నవ్వుల రారాజు. సినిమా చూస్తున్నంత సేపూ ప్రేక్షకులు కడుపుబ్బా నవ్వుకోవడమే ఈ సినిమా లక్ష్యం. గతంలో వచ్చిన 'చార్లిచాప్లిన్‌' సినిమా మంచి విజయం అందుకుంది. దానికి సీక్వెల్‌గా రూపొందుతోన్న చిత్రమే ఈ 'చార్లి చాప్లిన్‌ 2'.
ప్రభుదేవా సరసన నిక్కీ గల్రాని, ఆదాశర్మ హీరోయిన్లుగా నటిస్తున్నారు. సీనియర్‌ నటుడు ప్రభుతో సహా పలువురు నటీ నటులు ఇతర ముఖ్య తారాగణంగా కనిపించనున్నారు. కామెడీ ఓరియెంటెడ్‌ మూవీ అయినా భారీ బడ్జెట్‌తో ఈ సినిమాని రూపొందించారు. శక్తి చిదంబంరం దర్శకత్వంలో ఈ సినిమా తెరకెక్కింది. నటుడిగా, డాన్స్‌ కొరియోగ్రాఫర్‌గానే కాకుండా, అభిరుచి గల చిత్రాలను రూపొందించడంలోనూ ప్రభుదేవా తనదైన ముద్ర వేశాడు.
ఆయన హీరోగా నటిస్తున్న ఈ చార్లి చాప్లిన్‌ ఎంతో ప్రత్యేకమైనదిగా ఆయన అభివర్ణిస్తున్నారు. తమిళంతో పాటు, తెలుగు, మలయాళ, కన్నడ తదితర దక్షిణాది భాషల్లోనూ ఈ సినిమా విడుదల కానుంది. సరికొత్త కామెడీతో ప్రేక్షకుల్ని అలరించేందుకు 'చార్లిచాప్లిన్‌ 2'తో ప్రేక్షకుల ముందుకు వచ్చేస్తున్నాడు మ్యాట్రిమోని నిర్వాహకుడి పాత్రలో రాకింగ్‌ స్టార్‌ ప్రభుదేవా.
