చిత్ర‌సీమ‌లో అవ‌కాశాలు అందుకోవ‌డ‌మే కీల‌కం. అది అదృష్టంతో ముడిప‌డిన అంశం. కొన్నిసార్లు అవ‌కాశం అందిన‌ట్టే అంది, చేజారిపోతుంది. ఇప్పుడు ప్ర‌గ్యా జైస్వాల్ విష‌యంలోనూ అదే జ‌రిగింది. టాలీవుడ్ లో త‌న స్థానం కోసం ఇప్ప‌టికీ తిప్ప‌లు ప‌డుతూనే ఉంది ప్ర‌గ్యా. ఇప్పుడు త‌న‌కు ఓ బంప‌ర్ ఆఫ‌ర్ అందింది. కానీ అంత‌లోనే... చేజారిపోయింది.
వివరాల్లోకి వెళ్తే.. ప్ర‌గ్యాకు స‌ల్మాన్ ఖాన్ సినిమాలో ఐటెమ్ గీతం లో న‌ర్తించే ఛాన్స్ వ‌చ్చిందట. ఆ సినిమానే `అంతిమ్`.మహేష్ మంజ్రేక‌ర్ ద‌ర్శ‌క‌త్వం వ‌హించిన ఈ చిత్రంలో స‌ల్మాన్ పోలీస్ ఆఫీస‌ర్ పాత్ర‌లో క‌నిపించ‌నున్నాడు. ఈ సినిమాలో ఓ ప్ర‌త్యేక గీతం కోసం ప్ర‌గ్యాని సంప్ర‌దించారు. స‌ల్మాన్ ఖాన్ సినిమా అంటే, ప్ర‌గ్యా వ‌దులుకుంటుందా? అందుకే ఓకే చెప్పేసింది. అయితే అంత‌లోనే చిత్ర‌బృందం త‌మ ప్లాన్ మార్చుకుంది. అంతిమ్ సీరీయ‌స్ డ్రామా - ఇలాంటి సినిమాలో ఐటెమ్ సాంగ్ అత‌క‌దు అనిపించి, ఆ ఐటెమ్ పాట‌ని ప‌క్క‌న పెట్టేశారు. ఈ విష‌యాన్ని ఆ త‌ర‌వాత.. ప్ర‌గ్యాకి కూడా చెప్పార్ట. చిత్ర‌బృందం తీసుకున్న నిర్ణ‌యం స‌రైన‌దే అనిపించి - త‌ను ఏం మాట్లాడ‌లేక‌పోయింద‌ట. అలా..ప్ర‌గ్యాకి రావ‌ల్సిన ఓ భారీ ఆఫ‌ర్ చేజారిపోయింది. ప్ర‌స్తుతం త‌ను బాల‌కృష్ణ‌తో క‌లిసి `అఖండ`లో న‌టించింది. ఈ సినిమాతో అయినా త‌న‌కు బ్రేక్ వ‌స్తుందేమో చూడాలి.
