ప్రవీణ్‌ సత్తారు తాజాగా రాజశేఖర్‌ హీరోగా నటించిన 'గరుడవేగ' సినిమాతో మంచి హిట్‌ అందుకున్నాడు. హిట్‌ అంటే ఏదో మాట వరసకి వచ్చింది కాదు. ఈ సినిమాలో డైరెక్టర్‌గా తన టాలెంట్‌కి విమర్శకుల ప్రశంసలు అందుకుంటున్నాడు. చాలా కాలంగా ఓ మంచి హిట్‌ కోసం ఎదురు చూస్తున్న రాజశేఖర్‌కి ఈ సినిమా ద్వారా సూపర్‌ హిట్‌ని అందించాడు ప్రవీణ్‌ సత్తారు. తన నెక్ట్స్‌ సినిమాకి యంగ్‌ హీరో నితిన్‌ని హీరోగా ఎంచుకున్నాడు. ఇదో డిఫరెంట్‌ లవ్‌స్టోరీ అట. నితిన్‌కి లవ్‌ స్టోరీస్‌ బాగా కలిసొచ్చాయి. డిఫరెంట్‌ జోనర్స్‌ అని ట్రై చేసిన మూవీస్‌ ఆశించిన ఫలితాల్ని ఇవ్వలేకపోయాయి. ఇటీవల వచ్చిన 'లై' ఆ జోనర్‌ కిందికే వస్తుంది. భారీ అంచనాల నడుమ తెరకెక్కిన ఈ మూవీ నితిన్‌ని నిరాశపరిచింది. సో మళ్లీ నితిన్‌ లవ్‌ ట్రాక్‌ ఎక్కేశాడు. ప్రవీణ్‌ సత్తారుతో నితిన్‌ చేయబోయే సినిమా చాలా డిఫరెంట్‌గా ఉంటుందట. కానీ ప్యూర్‌ లవ్‌స్టోరీ అట. ఈ సినిమాని నితిన్‌ తన సొంత బ్యానర్‌ అయిన శ్రేష్ట్‌ మూవీస్‌ బ్యానర్‌లో నిర్మిస్తున్నాడు. కాగా నితిన్‌ మరో పక్క పవన్‌ - త్రివిక్రమ్‌ నిర్మాణంలో ఓ సినిమా చేస్తున్నాడు. పవన్‌ కళ్యాన్‌ క్రియేటివ్‌ వర్క్స్‌తో పాటు, నితిన్‌ సొంత బ్యానర్‌ అయిన శ్రేష్ట్‌ మూవీస్‌ బ్యానర్‌ సంయుక్తంగా ఈ సినిమాని నిర్మిస్తున్నాయి. త్రివిక్రమ్‌ అదిరిపోయే కథనందిస్తుండగా, కృష్ణ చైతన్య ఈ సినిమాని తెరకెక్కిస్తున్నారు. ప్రస్తుతం ఈ సినిమా షూటింగ్‌ దశలో ఉంది. ఈ సినిమాలో మేఘా ఆకాష్‌ హీరోయిన్‌గా నటిస్తోంది. 'లై' సినిమాతో తెరంగేట్రం చేసిన బ్యూటీ మేఘా ఆకాష్‌. బ్యాక్‌ టు బ్యాక్‌ నితిన్‌ సినిమాలకే సైన్‌ చేసింది. అన్నట్లు సొంత బ్యానర్‌లో తెరకెక్కిన సినిమాలన్నీ నితిన్‌కి మంచి ఫలితాల్నిచ్చాయి. అలాగే ఈ రెండు సినిమాలు కూడా హిట్‌ సినిమాలుగా నితిన్‌ ఖాతాలో పడాలని ఆశిద్దాం.