ఇప్పుడంతా ఓటీటీల‌దే హ‌వా. వెబ్ సిరీస్‌ల‌లో స్టార్ హంగామా ఎక్కువ‌గా క‌నిపిస్తోంది. ఆహా కోసం త‌మ‌న్నా కూడా ఓ వెబ్ సిరీస్ చేస్తున్న సంగతి తెలిసిందే. ఇందుకు సంబంధించిన డిటైల్స్ ఇప్పుడు బ‌యట‌కు వ‌చ్చాయి. ఈ వెబ్ సిరీస్ పేరు `లెవంత్ అవ‌ర్‌`. గ‌రుడ వేగ ద‌ర్శ‌కుడు ప్ర‌వీణ్ స‌త్తారు.. ద‌ర్శ‌క‌త్వం వ‌హించారు.

త్వ‌ర‌లోనే ఈ వెబ్ సిరీస్ ఆహాలో స్ట్రీమింగ్ కానుంది. ఇందుకు సంబంధించిన ఫ‌స్ట్ లుక్ ఈ రోజు విడుద‌లైంది. గుర్తుందా శీతాకాలం, అంధాధూన్ రీమేక్‌, సిటీమార్ సినిమాల‌తో... త‌మ‌న్నా బిజీగా ఉన్న సంగ‌తి తెలిసిందే. ఇప్పుడు వెబ్ సిరీస్‌లూ మొద‌లెట్టింది. త‌మ‌న్నా రాక‌తో.. ఆహాకి మ‌రికాస్త మైలేజీ వ‌చ్చే అవ‌కాశం ఉంది. ఇప్ప‌టికే `ఆహా` స‌మంత‌తో ఓ టాక్ షోని మొద‌లెట్టిన సంగ‌తి తెలిసిందే.