ప్రియ ప్రకాష్ వారియర్- ఇప్పుడు ఈ పేరు వినని వాళ్ళు ఆమె వీడియో చూడని వాళ్ళు లేరంటే అతిశయోక్తి కాదేమో. ఇక ఆమె కన్నుగీటుకి ఫిదా అయిపోయిన సెలబ్రిటీలలో మన స్టైలిష్ స్టార్ అల్లు అర్జున్ కూడా ఒకరు.
ఇక ఒక్కసారిగా వచ్చిన ఈ ఫాలోయింగ్ కి ఆమె ఫిదా అయిపోతున్నది. తాజాగా ఒక ఇంటర్వ్యూలో ఈ అనుకోని స్టార్ డంకి స్పందన తెలియచేయమని అడగగా- నిజంగా నాకు ఏమి చెప్పాలో అర్ధంకావట్లేదు. అయితే సంతోషంగా మాత్రం ఉంది. ఇదే సమయంలో స్టైలిష్ స్టార్ అల్లు అర్జున్ నుండి తనకి కాంప్లిమెంట్ రావడం తనకెంతో సంతోషానిచ్చింది. ఇక కేరళలో అల్లు అర్జున్ కి ఫ్యాన్స్ ఫాలోయింగ్ చాలా ఎక్కువ అని అలాంటిది ఆ హీరో నుండే ఇటువంటి కామెంట్ రావడం తనకెంతో ఆనందాన్నిచ్చింది అని తెలిపింది.
ప్రస్తుతం ప్రియ ప్రకాష్ వీడియో పైన చర్చా వేదికలు, ఫిర్యాదులు కూడా జరుగుతుండడం విశేషం. ఇక ఏకంగా కేరళ ముఖ్యమంత్రి ఈమెకి మద్దతుగా సోషల్ మీడియాలో పోస్ట్ పెట్టడం ఇప్పుడు హాట్ టాపిక్ గా మారింది.
ఏదేమైనా.. కొన్ని సెకండ్లు ఆమె జీవితాన్ని మార్చేసింది.
