సాహో ట్రైల‌ర్‌లో అభిమానులు బాగా న‌చ్చిన డైలాగ్.. 'డైహార్డ్ ఫ్యాన్స్‌'. ఇప్పుడు ఈ డైలాగ్‌ని 30 ఇయ‌ర్స్ ఫృథ్వీ పేరడీ చేసేశాడు. 'బుర్ర క‌థ' సినిమాలో. సాయికుమార్ త‌న‌యుడు ఆది సాయికుమార్ క‌థానాయ‌కుడిగా న‌టించిన సినిమా 'బుర్ర క‌థ'. ఇందులో 30 ఇయ‌ర్స్ ఫృథ్వీ కూడా ఉన్నాడు. ట్రైల‌ర్ ఈరోజే విడుద‌లైంది. ట్రైల‌ర్ చివ‌ర్లో పృథ్వీ కూడా అచ్చం ప్ర‌భాస్‌లానే 'డైహార్డ్ ఫ్యాన్స్‌' అంటూ ఓ డైలాగ్ చెప్పాడు. ట్రైల‌ర్ మొత్త‌మ్మీద ఆక‌ట్టుకునే డైలాగ్ అదే.
ఇది వ‌ర‌కు సినిమా విడుద‌లై, హిట్ట‌య్యాక అందులోని స‌న్నివేశాల్నీ, సంభాష‌ణ‌ల‌నూ పేరడీ చేసేవారు. ఇప్పుడు అలా కాదు. ముందే ప‌ట్టేస్తున్నారు. పేర‌డీలు చేయ‌డంలో ఫృథ్వీది అందివేసిన చేయి. అందుకే 'సాహో'నీ దింపేశాడు. 'విన‌య విధేయ రామ', 'అర‌వింద స‌మేత'లోని కొన్ని సంభాష‌ణ‌ల‌నూ, సీన్ల‌ను కూడా `బుర్ర క‌థ`లో పేరడీ చేశార‌ట. అవ‌న్నీ మంచి వినోదాన్ని పంచిపెడ‌తాయ‌ని చిత్ర‌బృందం న‌మ్ముతోంది. ఈనెల 28న 'బుర్ర క‌థ' రెడీ అవుతోంది. మ‌రి ఫృథ్వీ ఎంత‌టి వినోదం అందిస్తాడో చూడాలి.
