నాగార్జున - పూరి జ‌గ‌న్నాథ్ ల కాంబినేష‌న్ లో ఇప్ప‌టి వ‌ర‌కూ రెండు సినిమాలొచ్చాయి. `సూప‌ర్‌`,` శివ‌మ‌ణి`.. ఇవి రెండూ బాక్సాఫీసు ద‌గ్గ‌ర అంతా ప్ర‌భావం చూపించ‌లేక‌పోయాయి. అయితే.. ఇప్పుడు ఈ కాంబోలో ముచ్చ‌ట‌గా మూడో సినిమా రాబోతోంద‌ని టాలీవుడ్ లో ఓ టాక్ వినిపిస్తోంది. పూరి రేంజ్ పూర్తి గా మారిపోయింది. యంగ్ బ్యాచ్‌తో సినిమాలు చేయ‌డానికి ఎక్కువ ఉత్సాహం చూపిస్తున్నాడు. ఇలాంటి ప‌రిస్థితుల్లో నాగార్జున‌తో సినిమా చేస్తాడా? అస‌లు ఈ వార్త నిజ‌మేనా? అనే అనుమానాలు వ్య‌క్తం అయ్యాయి.

అయితే.. ఈ కాంబోలో సినిమా త‌ప్ప‌కుండా ఉంటుంద‌ని విశ్వ‌స‌నీయ వర్గాల టాక్‌. ఇప్ప‌టికే పూరి ఓ క‌థ‌ని సిద్ధం చేసేశాడ‌ని స‌మాచారం. ఇటీవ‌ల నాగ్ ని క‌లిసి క‌థ గురించి చూచాయిగా వివ‌రించాడ‌ట‌. ఈసారి.. వీరిద్ద‌రి కాంబోలో ఓ ఫాంట‌సీ సినిమా రాబోతోంద‌ని, ఇలాంటి క‌థ‌లో అటు నాగ్ గానీ, ఇటు పూరి గానీ సినిమా చేయాల‌ని తెలుస్తోంది. లాక్ డౌన్ స‌మ‌యంలోనే పూరి ఈ స్క్రిప్టు ని పూర్తి చేశాడ‌ని అంటున్నారు. ప్ర‌స్తుతం విజ‌య్ దేవ‌ర‌కొండ‌తో ఓసినిమా చేస్తున్నాడు పూరి. ఆ త‌ర‌వాత‌.. మ‌రో పాన్ ఇండియా సినిమా చేయాల్సివుంది. ఆ త‌ర‌వాతే.. నాగ్ సినిమా ఉంటుంద‌ట‌.