మెగాస్టార్ చిరంజీవి పై నిన్న జరిగిన ఒక పుస్తక ఆవిష్కరణ సభలో ప్రముఖ నటుడు-దర్శకుడు ఆర్. నారాయణమూర్తి వేసిన ఒక సెటైర్ ఇప్పుడు చర్చనీయంశంగా మారింది.

వివరాల్లోకి వెళితే - ప్రముఖ రచయిత - జర్నలిస్ట్ పసుపులేటి రామారావు గారు దర్శకరత్న దాసరి నారాయణరావు గారి పైన రాసిన పుస్తకం - ‘తెర వెనుక దాసరి’ ఆవిష్కరణ జరిగింది. ఆ సమయంలో ఆర్. నారాయణమూర్తి తనదైన శైలిలో మాట్లాడుతూ - చిరంజీవి గారు పేరుకు మెగాస్టార్ కానీ, ఆయన వెనక్కి తిరిగి చూస్తే చెప్పుకోవడానికి ఒక్క చిత్రం కూడా లేదు అని అయితే ఇప్పుడు ఆయన చేస్తున్న చిత్రం ‘సైరా నరసింహారెడ్డి’ ఆ లోటుని తీరుస్తుంది అని చెప్పాడు.

ఈ కామెంట్ చిరు అభిమానులని ఒకింత అసహనానికి గురిచేసింది. సినీ పరిశ్రమలో ఎన్నో విజయాలు అందుకుని మెగాస్టార్ స్థాయికి చేరుకున్న ఆయన కెరీర్ లో ఒక్క చిత్రం కూడా చెప్పుకోవడానికి లేదు అనేది సరికాదు అన్న అభిప్రాయం వ్యక్తమవుతున్నది.

మొత్తానికి ఈ కామెంట్ ని కొంతమంది సెటైర్ గా కూడా అభివర్ణిస్తున్నారు.