నాగచైతన్య - వెంక‌టేష్ క‌ల‌సి న‌టించిన సినిమా `వెంకీమామ` ఇందులో చైతూ ప‌క్క‌న క‌థానాయిక‌గా న‌టించింది రాశీఖన్నా. ఇప్పుడు ఈ జంట‌ని మ‌రోసారి చూడ‌బోతున్నామ‌ని టాక్‌. ప్ర‌స్తుతం `థ్యాంక్యూ`లో న‌టిస్తున్నాడు నాగచైతన్య. విక్ర‌మ్ కె.కుమార్ ద‌ర్శ‌క‌త్వం వ‌హిస్తున్నాడు. ఈ సినిమాలో ముగ్గురు హీరోయిన్ల‌కు ఛాన్సుంది. అందులో ఓ హీరోయిన్ గా రాశీఖ‌న్నాని ఎంచుకున్నార‌ని స‌మాచారం. ప్ర‌స్తుతం `ప‌క్కా క‌మ‌ర్షియ‌ల్`లో గోపీచంద్ ప‌క్క‌న క‌థానాయిక‌గా న‌టిస్తోంది రాశీ.
విక్ర‌మ్ కె.కుమార్ ద‌ర్శ‌కత్వంలో వ‌చ్చిన `మ‌నం` ఎంత సూప‌ర్ డూప‌ర్ హిట్ట‌య్యిందో తెలిసిందే. ఆ సినిమాలో చిన్న పాత్ర‌లో క‌నిపించింది రాశీఖన్నా. అప్పుడే... `నీకు ఫుల్ లెంగ్త్ క్యారెక్ట‌ర్ ఇస్తా` అని విక్ర‌మ్ మాటిచ్చిన‌ట్టు తెలుస్తోంది. ఆ మాట‌కు క‌ట్టుబ‌డే.. ఇప్పుడు `థ్యాంక్యూ`లో హీరోయిన్ గా ఛాన్సిచ్చాడ‌ట. మొత్తానికి రాశీకి మ‌రో మంచి అవ‌కాశం దొరికిన‌ట్టే.
