'శతమానం భవతి' సినిమాతో మంచి విజయం అందుకున్న యంగ్‌ డైరెక్టర్‌ సతీష్‌ వేగేశ్న. ఇప్పుడీ యంగ్‌ డైరెక్టర్‌ నితిన్‌తో ఓ సినిమా తెరకెక్కిస్తున్నాడు. అదే 'శ్రీనివాస కళ్యాణం'. 'శతమానం భవతి' మాదిరిగా ఇది కూడా మంచి ట్రెడిషనల్‌ టైటిలే. ఈ సినిమాలో నితిన్‌కి జోడీగా రాశీఖన్నా నటిస్తోంది. ఈ సినిమా నుండి ఫస్ట్‌లుక్‌ మోషన్‌ పోస్టర్‌ని విడుదల చేసింది తాజాగా చిత్ర యూనిట్‌. 

వెడ్డింగ్‌ స్టైల్‌లో ఉన్న ఈ ఫస్ట్‌లుక్‌ ఇంట్రెస్టింగ్‌గా ఉంది. రాశీఖన్నా, కొంటెగా హీరో వైపు చూస్తుంటే, హీరో స్ట్రెయిట్‌గా చూస్తున్నాడు. ఈ పిక్చర్‌లో కనిపిస్తున్న ట్రెడిషనల్‌ లుక్‌ కాకుండా, అంతర్లీనంగా మరింకేదో స్పెషాలిటీ దాగుందని చెబుతోంది. పెళ్లి కూతురు గెటప్‌లో రాశీఖన్నా క్యూట్‌ లుక్స్‌ అయితే బాగా ఎట్రాక్ట్‌ చేస్తున్నాయి. తొలిసారిగా నితిన్‌తో రాశీఖన్నా జత కడుతోన్న చిత్రం ఈ 'శ్రీనివాస కళ్యాణం'. తాజాగా ఈ సినిమా షూటింగ్‌ స్టార్ట్‌ అయ్యింది. ఈ న్యూ జర్నీకి మీ అందరి ఆశీర్వాదాలు కావాలనీ రాశీఖన్నా సోషల్‌ మీడియాలో ఈ ఫోటో పోస్ట్‌ చేసింది. 

ఇకపోతే ఈ ఏడాది రాశీఖన్నా రెండు సినిమాలతో సందడి చేసింది. అందులో 'టచ్‌ చేసి చూడు' చిత్రం కాస్త నిరాశ పరిచినా, 'తొలిప్రేమ' సినిమా మాత్రం రాశీఖన్నాకి మంచి విజయాన్ని అందించింది. సూపర్‌ హిట్‌తో పాటు, నటన పరంగా రాశీకి ఈ సినిమా చాలా మంచి పేరు తీసుకొచ్చింది. ఈ సినిమాతో రాశీఖన్నా ఇమేజే మారిపోయిందని చెప్పాలి. వసూళ్ల పరంగా, యాక్టింగ్‌ టాలెంట్‌ పరంగా రాశీ కెరీర్‌లో మంచి సక్సెస్‌ని తెచ్చి పెట్టిన సినిమా 'తొలిప్రేమ'. అలాగే 'శ్రీనివాస కళ్యాణం' సినిమాతోనూ మన అందాల రాశీ మరో హిట్‌ కొట్టాలని ఆశిద్దాం.