రఘు కుంచె అంటే ముందుగా అందరికీ గుర్తొచ్చేది టీవీ యాంకర్‌. గతంలో టీవీ యాంకర్‌గా రఘుకి మంచి పేరుంది. తర్వాత సింగర్‌గా మారాడు. సింగర్‌ నుండి మ్యూజిక్‌ డైరెక్టర్‌గా అవతారమెత్తాడు. పలు చిత్రాలకు తన అరుదైన మ్యూజిక్‌నందించాడు రఘు కుంచె. నటుడిగానూ సుపరిచితుడు రఘు కుంచె. కాగా ఇప్పుడు నిర్మాతగా కొత్త అవతారమెత్తాడు. రఘు కుంచె నిర్మాణంలో ఓ సినిమా తెరకెక్కుతోంది. అదే '47 డేస్‌'. తాజాగా ఈ సినిమా మోషన్‌ పోస్టర్‌ విడుదలైంది. టైటిల్‌ లోగోతో కూడా ఫస్ట్‌లుక్‌నీ రిలీజ్‌ చేసింది చిత్ర యూనిట్‌. 'ది మిస్టరీ అన్‌ఫోల్డ్స్‌' అనేది ఉప శీర్షిక. ఇదో థ్రిల్లర్‌ మూవీ. ప్రస్తుతం థ్రిల్లర్‌ మూవీస్‌ ఫార్ములా బాగా నడుస్తోంది. సో ఆ ఫార్ములాతోనే రఘు ఈ సినిమాని రూపొందిస్తున్నాడు. పూజా జవేరి హీరోయిన్‌గా నటిస్తోంది. 'ద్వారక' సినిమాలో విజయ్‌ దేవరకొండతో జత కట్టిందీ బ్యూటీ. సత్యదేవ్‌ హీరోగా నటిస్తున్నాడు. 'జ్యోతిలక్ష్మి' సినిమాతో సత్యదేవ్‌ పాపులర్‌ అయ్యాడు. టైటిల్‌ కార్డ్‌ ఎంటర్‌టైన్‌మెంట్‌ బ్యానర్‌పై ఈ సినిమా రూపొందుతోంది. ప్రదీప్‌ మద్దాలి దర్శకత్వం వహిస్తున్నారు. నిర్మాణంతో పాటు, సంగీతాన్ని కూడా రఘు కుంచె అందిస్తున్నాడు. రఘు ఇంతవరకూ చేయని కొత్త ట్యూన్స్‌ని ఈ సినిమా ద్వారా పరిచయం చేయబోతున్నాడట. మ్యూజిక్‌ డిఫరెంట్‌గా ఉండబోతోందంటున్నాడు. మ్యూజిక్‌ డైరెక్టర్‌గా అందరి మనసులు దోచుకున్న రఘు కుంచె నిర్మాతగా ఎంత మేర సక్సెస్‌ అవుతాడో చూడాలిక.