సంక్రాంతి సందర్భంగా రేసులో ఉన్న మూడు తెలుగు సినిమాల్లో రెండు పెద్ద సినిమాలైన 'అజ్ఞాతవాసి', 'జై సింహా' సినిమాలు ఆల్రెడీ ప్రేక్షకుల ముందుకు వచ్చాయి. విడుదలకు ముందు భారీ అంచనాలు క్రియేట్‌ చేసిన 'అజ్ఞాతవాసి' మిక్స్‌డ్‌ టాక్‌ సంపాదించుకుంది. దాంతో సినిమాపై అంతవరకూ ఉన్న అంచనాలు తారుమారైపోయాయి.
ఇక బాలయ్య 'జై సింహా' ఈ రోజు ప్రేక్షకుల ముందుకు వచ్చింది. ఈ సినిమాకీ అదే తరహా టాక్‌ రావడంతో 'జై సింహా' అంచనాలు కూడా అంతంత మాత్రమే అయిపోయాయి. దాంతో ఇక మూడో సినిమా, చిన్న సినిమా అయిన 'రంగులరాట్నం'పై అంచనాలు పెరుగుతున్నాయి. రాజ్‌తరుణ్‌ హీరోగా తెరకెక్కుతోన్న చిత్రం 'రంగుల రాట్నం'. చిత్రా శుక్లా హీరోయిన్‌గా నటించింది. శ్రీరంజిని దర్శకత్వంలో ఈ సినిమా తెరకెక్కింది.
అందులోనూ అన్నపూర్ణా స్టూడియోస్‌ బ్యానర్‌ నుండి వస్తోన్న చిత్రం కూడా కావడంతో ఈ సినిమాపై కూడా బాగానే అంచనాలున్నాయి. గతంలో రాజ్‌తరుణ్‌ హీరోగా అన్నపూర్ణా స్టూడియోస్‌ బ్యానర్‌లో వచ్చిన 'ఉయ్యాలా జంపాలా' చిత్రం మంచి విజయం అందుకుంది. ఆ రకంగా కూడా ఈ సినిమాపై అంచనాలున్నాయి. పండగ సీజన్‌లో ఎంటర్‌టైన్‌మెంట్‌ చిత్రాలకు ఆదరణ బావుంటుంది. అన్నింటికీ మించి, ముందుగా వచ్చిన రెండు పెద్ద చిత్రాలకీ టాక్‌ అంతంత మాత్రంగా ఉండడంతో ఈ సీజన్‌ రాజ్‌తరుణ్‌కి కలిసొచ్చేలానే అనిపిస్తోంది.
సరిగ్గా సంక్రాంతి పండగ రోజు అనగా 14న 'రంగుల రాట్నం' ప్రేక్షకుల ముందుకు రానుంది. సంక్రాంతికి అసలు సిసలు సరదా హంగామా 'రంగుల రాట్నం'తో ప్రేక్షకులకు దక్కుతుందేమో చూడాలి మరి.
