ఇంకొక మూడు రోజుల్లో రాజశేఖర్ నటించిన తాజా చిత్రం- గరుడవేగా ప్రపంచవ్యాప్తంగా విడుదలకానుంది.
ఇక ఈ చిత్రాన్ని ప్రమోట్ చేసే పనిలో భాగంగా రాజశేఖర్ స్వయంగా చిత్రపరిశ్రమలో ఉండే ప్రముఖ హీరోలని కలిసి గరుడవేగా చిత్రం ప్రీమియర్ కి రావాల్సిందిగా కోరుతున్నారు. ఇందులో భాగంగానే మెగాస్టార్ చిరంజీవిని స్వయంగా కలిసిన హీరో రాజశేఖర్, గరుడవేగా చిత్రం స్పెషల్ ప్రీమియర్ కి రావాల్సింది గా ఆయనని ఆహ్వానించారు.
ఈ సందర్భంగానే చిరంజీవి కూడా గరుడవేగా ట్రైలర్ చూసాను అని తనకి చాలా బాగా నచ్చింది అని చెప్పారు. అలాగే తాను తప్పక ప్రీమియర్ కి వస్తాను అని రాజశేఖర్ కి మాట కూడా ఇచ్చాడట.
ఇక గరుడవేగా చిత్రానికి సంబందించిన ప్రీమియర్ షోకి పలువురు సెలబ్రిటీలు వచ్చే అవకాశం ఉన్నట్టు సమాచారం.
