త‌మిళ సూప‌ర్ స్టార్ ర‌జ‌నీకాంత్ న‌టిస్తున్న తాజా చిత్రం `అన్నాత్తే`. `శివ ద‌ర్శ‌క‌త్వం వ‌హిస్తున్నారు. న‌య‌న‌తార‌, కీర్తి సురేష్‌, మీనా, ఖుష్బూ, ప్ర‌కాష్ రాజ్.. ఇలా భారీ తారాగ‌ణం ఉంది. కొంత‌మేర చిత్రీక‌ర‌ణ జ‌రిగింది. అయితే ఈ సినిమా ని ర‌జ‌నీ ప్ర‌స్తుతానికి ప‌క్క‌న పెట్టేశార‌ని టాక్‌. ర‌షెష్ ప‌ట్ల ర‌జ‌నీ సంతృప్తిక‌రంగా లేడ‌ని, అందుకే... ఈ సినిమా చిత్రీక‌ర‌ణ ఆపేశార‌ని, మ‌ళ్లీ ఈ సినిమా మొద‌లెట్ట‌డం అసాధ్య‌మ‌ని త‌మిళ నాట‌.. గుస‌గుస‌లు వినిపిస్తున్నాయి.

దీనిపై చిత్ర‌బృందం తాజాగా స్పందించింది. ర‌జ‌నీ సినిమా ఆగిపోయింద‌న్న వార్త‌ల్లో నిజం లేద‌ని స్ప‌ష్టం చేసింది. క‌రోనా కార‌ణంగా.. చిత్రీక‌ర‌ణ‌లు నిలిచిపోయాయ‌ని, అందులో భాగంగా త‌మ సినిమా షూటింగ్ నీ ఆపేశామ‌ని, ఇప్ప‌టికి 50 శాతం చిత్రీక‌ర‌ణ పూర్త‌యింద‌ని, భారీగా ఖ‌ర్చు పెట్టామ‌ని, ప‌రిస్థితులు అనుకూలిస్తే.. త్వ‌ర‌లోనే చిత్రీక‌ర‌ణ మొద‌లెడ‌తామ‌ని స్ప‌ష్టం చేసింది. అన్నీ అనుకున్న‌ట్టు జ‌రిగితే ఈ సంక్రాంతికి ర‌జ‌నీ సినిమా విడుద‌ల కావాల్సింది. ఇక ర‌జ‌నీ సినిమా ప్రేక్ష‌కుల ముందుకు వ‌చ్చేది 2021 వేస‌విలోనే.