‘ఆచార్య’ సినిమాకి ఓ సూపర్ స్టార్‌ సాయం అందించబోతున్నాడట. అదీ వాయిస్‌ ఓవర్‌ రూపంలలో. ఎవరా సూపర్ స్టార్‌.? ఏమా కథ.? కొందరేమో, టాలీవుడ్‌ సూపర్ స్టార్‌ మహేష్‌బాబుని ఇందుకోసం దర్శకుడు కొరటాల శివ ఒప్పించాడనే ప్రచారం జరుగుతోంటే, తమిళ సూపర్ స్టార్‌ రజనీకాంత్‌ రంగంలోకి దిగుతాడంటూ ఇంకో ప్రచారం జరుగుతోంది. రజనీకాంత్‌, తెలుగు సినిమాకి వాయిస్‌ ఓవర్‌ అందించడం అనేది కష్టమే. సో, మహేష్‌బాబు ‘ఆచార్య’ కోసం తన గొంతుని సవరించుకునేందుకు అవకాశం వుంది. చరణ్‌, ఈ సినిమాలో అతిది¸ పాత్రలో కనిపించనున్న సంగతి తెల్సిందే.
అయితే, ‘ఆర్‌ఆర్‌ఆర్‌’ షూటింగ్‌ కారణంగా ఒకవేళ చరణ్‌, ‘ఆచార్య’లో నటించలేకపోతే, ఆ ఛాన్స్‌ తాను తీసుకుంటానని స్వయంగా మహేష్, కొరటాల శివతో చెప్పినట్లు గతంలో వార్తలొచ్చాయి. ఆ వార్తల్ని కొరటాల శివ ధృవీకరించాడు కూడా. అయితే, చరణ్‌ ఎలాగైనా ‘ఆచార్య’లో నటించాలనే అనుకుంటున్నాడట. చరణ్‌ - మహేష్ కూడా మంచి స్నేహితులు. చిరంజీవి అంటే మహేష్‌కి అపారమైన గౌరవం. ఇంకేముంది.? వాయిస్‌ ఓవర్‌తో అయినా ‘ఆచార్య’కు సూపర్ గ్లామర్‌ తీసుకురావాలని మహేష్ అనుకుంటే, అడ్డంకి ఏమీ లేదు. త్వరలో ‘ఆచార్య’ సినిమా షూటింగ్‌ పునఃప్రారంభం కానుంది. ఈ సినిమాలో చిరంజీవి సరసన కాజల్‌ అగర్వాల్‌ హీరోయిన్‌గా నటించాల్సి వుంది.
