రకుల్‌ కెరీర్‌ గురించి ప్రస్తుతం పెద్దగా మాట్లాడుకోవడానికేం లేదు. రకుల్‌ ఏది పట్టుకుంటే, అది ఫెయిల్యూర్‌ వైపే పరుగులు తీస్తోంది. గంపెడు ఆశలతో తెలుగులోకి హీరోయిన్‌గా రీ ఎంట్రీ ఇచ్చింది 'మన్మధుడు 2' సినిమాతో రకుల్‌ ప్రీత్‌సింగ్‌. ఈ సినిమా సంగతి ఏమవుతుందో అని రకుల్‌ చాలా టెన్షన్‌ పడుతోందట. హిందీలో మొన్న విడుదలైన 'దేదే ప్యార్‌ దే' పరిస్థితి అంతంత మాత్రమే అయ్యింది. తమిళంలో నిన్న విడుదలైన 'ఎన్జీకే' తుస్సుమనింది. ఇక మిగిలింది తెలుగులో 'మన్మధుడు 2'. ఈ సినిమాపైనే ఇప్పుడు రకుల్‌ ఆశలన్నీ.
నాగార్జున హీరోగా రాహుల్‌ రవీంద్రన్‌ దర్శకత్వంలో తెరకెక్కుతోన్న ఈ సినిమాపై పెద్దగా అంచనాల్లేవు కానీ, రకుల్‌ మాత్రం ఈ సినిమాపై ఆశలు పెట్టుకుంది. రకుల్‌ కెరీర్‌కి ఈ సినిమా అత్యంత కీలకం మరి. అయితే, ఈ సినిమాకి ఉన్న పోజిటివ్‌ వైబ్‌ ఒకే ఒక్కటి. సమంత గెస్ట్‌ రోల్‌ పోషిస్తుండడం. సమంత కెరీర్‌ ఫుల్‌ స్వింగ్‌లో ఉందిప్పుడు. సమంత ఉంటే చాలు ఆ సినిమా సూపర్‌ హిట్‌ అయ్యి తీరుతుంది. చాలా కాలంగా హిట్‌ కోసం ఎదురు చూస్తూ, ఎంత కష్టపడినా ఆ హిట్టు దరి చేరలేకపోయిన నాగచైతన్యకు సైతం సమంత 'మజిలీ'తో సూపర్‌ హిట్‌ ఇచ్చింది. అలాంటిది రకుల్‌కి ఇవ్వలేదా.? చూడాలిక.
