మహేష్‌బాబు 26వ చిత్రాన్ని తెరకెక్కించే అరుదైన అవకాశాన్ని దక్కించుకున్నాడు అనిల్‌ రావిపూడి. మహేష్‌బాబు ఏరికోరి అనిల్‌ రావిపూడిని సెలెక్ట్‌ చేసుకున్నాడు. ఫ్యాన్స్‌ కూడా అనిల్‌పై భారీగా ఆశలు పెట్టుకున్నారు. మహేష్‌బాబు తనపై పెట్టుకున్న నమ్మకాన్నీ, అభిమానుల ఆశల్నీ నెరవేర్చే దిశగా 'సరిలేరు నీకెవ్వరు' కథ ఉంటుందని అనిల్‌ రావిపూడి చెబుతున్నారు. లేటెస్ట్‌గా పూజా కార్యక్రమాలతో ప్రారంభమైన ఈ సినిమాకి సంబంధించి మరికొన్ని ముఖ్యమైన అంశాల్ని అనిల్‌ మీడియాతో షేర్‌ చేసుకున్నారు.

రష్మికా మండన్నా ఈ సినిమాలో సూపర్‌స్టార్‌తో జోడీ కడుతోంది. సీనియర్‌ హీరోయిన్‌ విజయశాంతి ఈ సినిమాలో నటిస్తుందంటూ గత కొంతకాలంగా ప్రచారం జరుగుతోంది. ఈ సందర్భంగా అనిల్‌ రావిపూడి ఆ విషయాన్ని కూడా కన్‌ఫామ్‌ చేశారు. అంటే విజయశాంతి రీ ఎంట్రీ సూపర్‌స్టార్‌ మహేష్‌బాబు సినిమాతో ఘనంగా ఉండబోతోందనీ అర్ధమవుతోంది. అయితే విజయశాంతి ఈ సినిమాలో మహేష్‌బాబుకు తల్లిగా నటిస్తుందా.? లేక అత్తగా నటిస్తుందా.? అనేది తెలియాల్సి ఉంది. వచ్చే ఏడాది సంక్రాంతికి ఈ సినిమా స్లాట్‌ బుక్‌ చేసుకుంది. దేవిశ్రీ ప్రసాద్‌ మ్యూజిక్‌ అందిస్తున్న ఈ సినిమాకి దిల్‌రాజు, అనిల్‌ సుంకరతో కలిసి మహేష్‌బాబు కూడా నిర్మాణ భాగస్వామ్యం వహిస్తున్నారు.