రకుల్‌ ప్రీత్‌సింగ్‌ సోదరుడు అమన్‌ హీరోగా తెరంగేట్రం చేస్తున్న సంగతి తెలిసిందే. తాజాగా ఈ సినిమా టైటిల్‌ని ప్రకటించారు. నాగార్జున చేతుల మీదుగా ఈ టైటిల్‌ విడుదల చేశారు. ఇంతకీ టైటిల్‌ ఏంటంటే, 'నిన్నే పెళ్లాడతా'. నాగార్జున సూపర్‌ హిట్‌ మూవీ టైటిల్‌ ఇది. రకుల్‌, తమ్ముడు కోసం భలే టైటిల్‌ పట్టేసిందని అంతా అంటున్నారు. అయితే, సినిమా ఆ టైటిల్‌ని జస్టిఫై చేసేలా ఉంటుందా? చూడాలి మరి. అంబికా ఆర్ట్స్‌, ఈశ్వరి ఆర్ట్స్‌ బ్యానర్‌లో ఈ సినిమా రూపొందుతోంది. లవ్‌ అండ్‌ రొమాంటిక్‌ ఎంటర్‌టైనర్‌గా తెరకెక్కుతోన్న ఈ సినిమాకి వైకుంఠ్‌ బోను దర్శకత్వం వహిస్తున్నాడు.

త్వరలో ఈ సినిమా ప్రేక్షకుల ముందుకు రానుంది. 'పైసా' ఫేం సిద్ధిఖా శర్మ ఈ సినిమాలో అమన్‌తో జత కడుతోంది. కాగా టైటిల్‌ లాంఛింగ్‌ సందర్భంగా అమన్‌కి సోషల్‌ మీడియా వేదికగా రకుల్‌ ప్రీత్‌ సింగ్‌ విషెస్‌ తెలిపింది. నా చిట్టి తమ్ముడు అమన్‌కి శుభాకాంక్షలు, ఐ ప్రౌడ్‌ ఆఫ్‌ యు.. అంటూ 'నిన్నే పెళ్లాడతా' టీమ్‌కి ఆల్‌ది బెస్ట్‌ చెప్పింది రకుల్‌ ప్రీత్‌సింగ్‌. 2017లో అమన్‌ 'రాక్‌ అండ్‌ రోల్‌' అనే షార్ట్‌ ఫిలిం ద్వారా కెరీర్‌ స్టార్ట్‌ చేశాడు. హీరోగా డెబ్యూ చేస్తున్న మూవీకి మన్మధుడు నాగార్జున హిట్‌ మూవీ టైటిల్‌ పెట్టుకోవడంతో ఈ సినిమాపై అంచనాలు పెరిగాయి. అయితే, అమన్‌ హీరోగా ఆ అంచనాల్ని అందుకుంటాడా.? వేచి చూడాలి మరి.