తెలుగులో నెంబర్‌ వన్‌ హీరోయిన్‌ రకుల్‌ ప్రీత్‌ సింగ్‌. నెంబర్‌ సంగతి అలా ఉంచితే, ఈ ముద్దుగుమ్మ ఉన్నంత బిజీగా ప్రస్తుతం టాలీవుడ్‌లో ఏ హీరోయిన్‌ లేదనే చెప్పాలి. టాలీవుడ్‌లో అమ్మడు సూపర్‌ స్టార్‌ మహేష్‌బాబుతో మురుగదాస్‌ దర్శకత్వంలో ఓ సినిమాలో నటిస్తోంది. ఇవి కాక మెగా మేనల్లుడు సాయి ధరమ్‌ తేజ్‌, బెల్లంకొండ శ్రీనివాస్‌ సినిమాల్లో చేస్తుండగా, తాజాగా తమిళంలో కూడా బిజీగా మారిపోయింది. కార్తి సినిమాలో ఇప్పటికే నటిస్తున్న ఈ ముద్దుగుమ్మ మరో స్టార్‌ హీరో సినిమాలో ఆఫర్‌ దక్కించుకున్నట్లు తెలుస్తోంది. ఇళయదళపతి విజయ్‌ సినిమాలో రకుల్‌ ఛాన్స్‌ కొట్టేసినట్లు సమాచారమ్‌. ఇవి కాక టాలీవుడ్‌లో మరో రెండు భారీ ప్రాజెక్టులు కూడా చర్చల దశలో ఉన్నాయట. గతేడాది మొత్తం మూడు భారీ సినిమాలతో భారీ సక్సెస్‌ అందుకుంది. అల్లు అర్జున్‌తో 'సరైనోడు', ఎన్టీఆర్‌తో 'నాన్నకు ప్రేమతో', చరణ్‌తో 'ధృవ' సినిమాలు భారీ విజయాల్ని అందించాయి రకుల్‌కి. ఈ ఏడాది కూడా రకుల్‌దే. త్వరలోనే సాయిధరమ్‌ తేజ్‌ 'విన్నర్‌'తో ప్రేక్షకుల ముందుకు రానుంది. ఇలా టాలీవుడ్‌నే కాకుండా కోలీవుడ్‌ని కూడా ఏలేయడానికి రెడీ అయిపోతోంది ముద్దుగుమ్మ రకుల్‌ ప్రీత్‌ సింగ్‌. వాస్తవానికి రకుల్‌ తమిళం ప్రేక్షకులకి కొత్తేమీ కాదు. గతంలో ఓ తమిళ్‌ సినిమాలో నటించింది. కానీ అది అంతగా గుర్తింపు తీసుకురాలేదు. సో కార్తి సినిమా రకుల్‌ కోలీవుడ్‌ రీ ఎంట్రీకి గ్రాండ్‌ వెల్‌కమ్‌ ఇవ్వబోతుందనే చెప్పాలి.